ԵՐԵՎԱՆ, 26 հուլիսի - Sputnik. Երևանում Ռուսաստանի գիտության և մշակույթի կենտրոնի (ՌԳՄԿ) աշխատակիցները Ռուսաստանի ռազմածովային նավատորմի օրվա կապակցությամբ այցելել ու շնորհավորել են նավատորմի 96-ամյա վետերան Ներսես Սիմոնյանին, որն այս տարի կորոնավիրուսի համավարակի պատճառով չի կարողացել Ղրիմում մասնակցել տոնական միջոցառումներին։ Տեղեկությունը հայտնում է ՌԳՄԿ մամուլի ծառայությունը։
«Ներսես Հովհաննեսի Սիմոնյանը կարմիրնավատորմային է, Հայրենական մեծ պատերազմի վետերան, մի քանի քաղաքների, այդ թվում՝ Նովոռոսիյսկի, Կերչի ու Սևաստոպոլի ազատագրման մասնակից, մի քանի անգամ Ղրիմ է այցելել հանրապետության նախագահի հրավերով։ Այս տարի կորոնավիրուսի համավարակի պատճառով ծրագրերը չիրականացան։ Տոնի նախօրեին ՌԳՄԿ աշխատակիցները Երևանում այցելել են հերոսին», - նշված է կենտրոնի կայքում հրապարակված հաղորդագրության մեջ։
ՌԳՄԿ ներկայացուցիչների հետ զրույցում վետերանը խոսել է Հայաստանի ու Ռուսաստանի միջև սերտ կարելի մասին․ «Մենք միշտ եղել ենք ռուս ժողովրդի հետ, ու թող սա որպես կարգախոս հնչի», -Սիմոնյանի խոսքերը մեջբերում է ՌԳՄԿ մամուլի ծառայությունը։
Ռուսաստանի ռազմածովային ուժերն ուզում են «Միստրալների» հզոր հակակշիռ ստեղծել
Նշենք, որ Սիմոնյանը մասնակցել է Հյուսիսային Կովկասում, Նովոռոսիյսկում տեղի ունեցած մարտերին, նաև Ղրիմի գործողությանը։ Մի շարք մեդալներ ունի, այդ թվում` «Արիության համար», «Մարշալ Ժուկովի», «Մարշալ Բաղրամյանի», «Ծովակալ Իսակովի» և այլն։ Հայրենական պատերազմի ժամանակ եղել է 318–րդ հրաձգային դիվիզիայի ու 89-րդ Թամանյան դիվիզիայի կազմում։ Ծանր վիրավորում է ստացել Սևաստոպոլի ազատագրման մարտերի ժամանակ։
Չարդախլուն ու Թամանյան դիվիզիան. Ռայխստագի քոչարին՝ Նվեր Սաֆարյանի հրամանատարությամբ
