ԵՐԵՎԱՆ, 26 հուլիսի - Sputnik. Վրացական Սադախլո գյուղում ադրբեջանցիները հարձակվել են հայի վրա։ Sputnik Արմենիայի թղթակցի հետ զրույցում Aliq Media լրատվական գործակալության լրագրող Նորայր Գասպարյանը հայտնել է, որ բախում է տեղի ունեցել ադրբեջանցիների և իր ընկերոջ միջև։ Սակայն կատարվածի պատճառը դեռ պարզ չէ:
«Բախում է տեղի ունեցել, սակայն դեռ հայտնի չէ՝ արդյոք խնդիրը «ազգային հողի վրա է», թե՝ ոչ» , - ասել է Գասպարյանը:
Ավելի վաղ Գասպարյանը հայտնել էր, որ իր ընկերոջը ծեծի են ենթարկել և փախուստի դիմել։ Միջադեպը տեղի է ունեցել Սադախլո գյուղի ոստիկանության տարածքային բաժնի մոտ։
Նա նշել է, որ ընկերոջ հետ ոչ մի լուրջ բան տեղի չի ունեցել։ Այս պահին ծեծկռտուքն ավարտված է, տուժած կողմը ցուցմունք է տալիս ոստիկանությունում։
Ադրբեջանցիների հարձակումից տուժած հայերը դիմել են կոչով. տեսանյութ
Հիշեցնենք՝ վերջին օրերին Ռուսաստանում, ինչպես նաև եվրոպական մի շարք երկրներում եւ ԱՄՆ-ում մի քանի անգամ բախումներ և ծեծկռտուք է տեղի ունեցել հայերի եւ ադրբեջանցիների միջեւ:
