ԵՐԵՎԱՆ, 9 հուլիսի — Sputnik. ՀՀ առողջապահության նախարարությունը տեղեկացնում է, որ Հայաստանում վերջին մեկ օրում կորոնավիրուսի հետևանքով գրանցվել է մահվան 14 դեպք։
«Կորոնավիրուսի հետևանքով մահացել են 7 տղամարդ և 7 կին։ Տղամարդիկ եղել են 83, 82, 70, 82, 64, 81 և 65 տարեկան, իսկ կանայք` 65, 61, 74, 68, 90, 52 և 63 տարեկան։ Բացի 63-ամյա մի կնոջից, մնացածն ունեցել են ուղեկցող խրոնիկական հիվանդություններ»,–նշված է հաղորդագրության մեջ։
Նախորդ օրն արձանագրվել է մահվան 6 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 170 է:
Հիշեցնենք` հուլիսի 9-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 30346 դեպք, որոնցից 18000-ն առողջացած, 535-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11 641 պացիենտ:
Ընդհանուր առմամբ կատարվել է 12 9166 թեստավորում:
Վերջին մեկ օրում ունենք կորոնավիրուսային հիվանդությամբ հաստատված 526 նոր դեպք և 573 առողջացած։
