ԵՐԵՎԱՆ, 2 հուլիսի –Sputnik. ՌԴ ԱԳՆ–ում մեկնաբանել են թալիբների հետ Ռուսաստանի «դավադրության» ենթադրյալ ապացույցների առկայությունը։ Աֆղանստանի գծով ՌԴ նախագահի հատուկ ներկայացուցիչ, ՌԴ ԱԳՆ Ասիայի երկրորդ դեպարտամենտի տնօրեն Զամիր Կաբուլովի խոսքով` հոդվածում զուտ մերկապարանոց մեղադրանքներ են։
«Մեզ ապացույցներ են պետք, իսկ դրանք չկան։ Դրանք մերկապարանոց պնդումներ են», – ՌԻԱ Նովոստիին ասել է Կաբուլովը։
Նա նաև նշել է, որ երբեք չի լսել թմրանյութերի մաքսանենգությամբ զբաղվող Ռահմաթ Ազիզիի մասին, որը հիշատակվում է հոդվածում։ Պարբերականի տվյալներով` նա իբրև թե երկու կողմերի միջև գլխավոր միջնորդն է եղել։
Ըստ նրա` հոդվածն ընթերցելիս ավելի շատ հարցեր են առաջանում, քան պատասխաններ։ «Կեղծ հոդվածներն գրելիս էլ պետք է մանրակրկիտ պատրաստվել», – հավելել է Կաբուլովը։
Նախօրեին The New York Times ամսագիրը հրապարակել էր հոդված, որում նշել էր Աֆղանստանում Ռուսաստանի և «Թալիբանի» «դավադրության» «միջնորդի» անունը։ Հոդվածի հեղինակի խոսքով` նա թմրանյութերի մաքսանենգությամբ զբաղվող Ռահմաթ Ազիզին է։
Ռուսաստանը ցավում է Չեխիայի հետ հարաբերություններում առկա խնդիրների համար. Պեսկով
Ավելի վաղ NYT–ը, հղում անելով հատուկ ծառայությունների անանուն ներկայացուցիչներին, հոդված էր հրապարակել, որում պնդում էր, որ ռուսական ռազմական հետախուզությունը իբրև թե թալիբների հետ առնչություն ունեցող զինյալներին դրամական պարգևներ է առաջարկել Աֆղանստանում ամերիկացի զինվորների վրա հարձակվելու համար։ Հոդվածում ապացույցներ ներկայացված չեն եղել։ Ամերիկյան պարբերականի պնդումները պաշտոնապես հերքել է «Թալիբան» շարժման ներկայացուցիչ Զաբիուլահ Մուջահիդը։
ԱՄՆ նախագահ Դոնալդ Թրամփը ևս հայտարարեց, որ հոդվածը պատվեր է։
