Խաչիկ Չախոյան, Sputnik Արմենիա
Կորոնավիրուսի համաճարակի պատճառով հետաձգվել էին ապրիլին Լաս Վեգասում կայանալիք բռնցքամարտի պրոֆեսիոնալ մենամարտերը, որոնց պետք է մասնակցեին հայ պրոֆեսիոնալ բռնցքամարտիկներ Նարեկ Աբգարյանն ու Գոռ Երիցյանը։
Շվեյցարիայի հավաքականի հայ մարզիչը. որ խորհուրդներն են առաջնորդել Ալֆրեդ Տեր-Մկրտչյանին
Մեր մարզիկներն արագ հասցրին հայրենիք վերադառնալ, մինչև կփակվեին սահմանները։ Կորոնավիրուսը խառնեց նրանց պլանները, և նրանք սպիտված անցան բաց մարզումների։ Չէ որ մի օր այս ամենը կավարտվի, իսկ մարզավիճակը պետք է պահպանել։
![Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ - Sputnik Արմենիա](https://cdn.am.sputniknews.ru/img/2351/82/23518278_0:0:1600:1068_600x0_80_0_0_99d0ab2f14a6409eb46e9b3a48194569.jpg)
Երևանում բաց երկնքի տակ մարզվելով` Նարեկ Աբգարյանի ու Գոռ Երիցյանի կողքին գնալով ավելանում էր նրանց հետ մարզվել ցանկացողների թիվը: Տեսնելով պատանիների ու երեխաների ոգևորությունը` հայտնի բռնցքամարտիկները, որոնք առ այսօր անպարտելի են ռինգում, որոշեցին ժամանակից շուտ անցնել մարզչի աշխատանքին (Նարեկը 28 տարեկան է, Գոռը` 23)։ Երիտասարդ ու հայտնի բռնցքամարտիկների նախաձեռնությամբ շուտով բռնցքամարտի նոր մարզադահլիճ բացվեց Երևանում:
«Ռոմայի» հաղթանակն ու Մխիթարյանի «կարոտած» խաղը. ֆուտբոլը վերադարձավ Covid–19-ի աշխարհ
«Դրսի մարզումների ընթացքում տեսանք, որ շատերն ուզում են մեր կողքին մարզվել, սովորել, փորձ ձեռք բերել: Դա մեզ միտք տվեց, որ կարող ենք օգտակար լինել բռնցքամարտով զբաղվելու մտադրություն ունեցող պատանիներին ու երիտասարդներին և մարզել ցանկացողներին: Ու մեր միտքը կարճ ժամանակում վերածեցինք գործի: Հիմա մարզվողների թիվը գնալով աճում է»,- մեզ հետ զրույցում ասեց Նարեկ Աբգարյանը:
![Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ - Sputnik Արմենիա](https://cdn.am.sputniknews.ru/img/2351/82/23518263_0:0:1600:1070_600x0_80_0_0_bbf6759309d77b9e29f0121df5c82767.jpg)
«12 ռաունդ»` սա ոչ թե որևէ մենամարտի ռաունդների թիվն է, այլ այն ակումբի անունը, որն արդեն գործում է։ Այստեղ բազմաթիվ երեխաներ ու պատանիներ փորձում են նմանվել իրենց սիրելի մարզիկներին` նրանցից սովորելով մենապայքարային հանրահայտ մարզաձևի այբուբենը: Բռնցքամարտում առաջին քայլերը կատարող երեխաների համար ոգևորիչ է, երբ նրանց կողքին են Հայաստանի հավաքականը պատվով ներկայացրած Նարեկ Աբգարյանը, Գոռ Երիցյանը, ինչպես նաև մյուս մարզիչները`Վլադիմիր Մարգարյանը և Արսեն Հայրապետյանը:
![Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ - Sputnik Արմենիա](https://cdn.am.sputniknews.ru/img/2351/82/23518207_0:0:1600:1068_600x0_80_0_0_24ba72168d62de4cebf25b121035c816.jpg)
Մարզիչներն ասում են` մարզումները վճարովի են, որպեսզի պատանիները բռնցքամարտով զբաղվելը ժամանց չհամարեն, այլ լուրջ մարզվեն և ձգտեն հաջողությունների հասնել։ «Երբ նկատենք, որ կա պատանի, որը ներուժ ունի և կարող է ունենալ հաջողություններ բռնցքամարտում, նա ոչ մի բանի կարիք չի ունենա: Ժամանակին մենք խնդիրներ ունեինք հանդերձանքի՝ ձեռնոցների ու մարզահագուստի: Մեր սաները նման խնդիրներ չեն ունենալու, մենք ամեն ինչով կապահովենք: Միայն պետք է հասկանանք, որ բռնցքամարտիկը ներուժ ունի»- ավելացրեց Աբգարյանը:
![Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ - Sputnik Արմենիա](https://cdn.am.sputniknews.ru/img/2351/82/23518248_0:0:1600:1070_600x0_80_0_0_2308da9b0dbea97dbffa6d3bb6487f60.jpg)
Նշենք, որ ապրիլի 11-ին WBC International Silver գոտին կրող Նարեկ Աբգարյանը պետք է մրցեր ամերիկացի Լաուրեն Նյուտոնի հետ, ապրիլի 15-ին էլ պետք է կայանար WBO վարկածով մինչև 23 տարեկանների աշխարհի չեմպիոն Գոռ Երիցյանի մենամարտը: Հիմա հայ բռնցքամարտիկներն արդեն նախապատրաստվում են նորից մեկնել ԱՄՆ, որտեղ էլ շատ շուտով կկայանան նրանց մենամարտերը:
![Sputnik Արմենիայի սպորտային մեկնաբան Խաչիկ Չախոյանը Նարեկ Աբգարյանի հետ Sputnik Արմենիայի սպորտային մեկնաբան Խաչիկ Չախոյանը Նարեկ Աբգարյանի հետ - Sputnik Արմենիա](https://cdn.am.sputniknews.ru/img/2351/82/23518292_0:25:1600:1031_600x0_80_0_0_6a97570702a2f7f49c61310f27b386df.jpg)
![«12 ռաունդ» մարզադահլիճում մարզումներ են ընթանում «12 ռաունդ» մարզադահլիճում մարզումներ են ընթանում - Sputnik Արմենիա](https://cdn.am.sputniknews.ru/img/2351/82/23518243_0:0:1601:1006_600x0_80_0_0_0ec3f249c79042f2da7c4d2d5414b247.jpg)
![«12 ռաունդ» մարզադահլիճում մարզումներ են ընթանում «12 ռաունդ» մարզադահլիճում մարզումներ են ընթանում - Sputnik Արմենիա](https://cdn.am.sputniknews.ru/img/2351/82/23518238_0:62:1600:1068_600x0_80_0_0_a8fd89d491b6823768ffa13997cc260e.jpg)
![«12 ռաունդ» մարզադահլիճում մարզումներ են ընթանում «12 ռաունդ» մարզադահլիճում մարզումներ են ընթանում - Sputnik Արմենիա](https://cdn.am.sputniknews.ru/img/2351/82/23518217_0:3:1601:1009_600x0_80_0_0_b779394d6a8fbde9f897240fcca43eef.jpg)
![«12 ռաունդ» մարզադահլիճում մարզումներ են ընթանում «12 ռաունդ» մարզադահլիճում մարզումներ են ընթանում - Sputnik Արմենիա](https://cdn.am.sputniknews.ru/img/2351/82/23518202_0:0:1600:1006_600x0_80_0_0_98ada34f03e21d96b17d47648d54f713.jpg)