ԵՐԵՎԱՆ, 2 հուլիսի – Sputnik. Հանրապետության նախագահ Արմեն Սարգսյանն այսօր ընդունել է Հայաստանի Հանրապետության ազգային անվտանգության ծառայության տնօրեն Արգիշտի Քյարամյանին: Տեղեկությունը հայտնում են ՀՀ նախագահի մամուլի ծառայությունից։
Նախագահ Սարգսյանը շնորհավորել է ԱԱԾ տնօրենին պաշտոնում նշանակվելու առթիվ և հաջողություններ մաղթել նրան հետագա գործունեության մեջ:
Հանդիպմանն անդրադարձ է կատարվել Ազգային անվտանգության ծառայության ընթացիկ գործունեությանը:
Հիշեցնենք`երեկ`հունիսի 8–ին, Նիկոլ Փաշինյանի նախաձեռնությամբ Հայաստանում մի շարք աղմկահարույց պաշտոնանկություններ եղան։ Զբաղեցրած պաշտոններից ազատվեցին Ազգային անվտանգության ծառայության տնօրեն Էդուարդ Մարտիրոսյանը, ԶՈՒ գլխավոր շտաբի պետ Արտակ Դավթյանն ու ՀՀ ոստիկանապետ Արման Սարգսյանը։
Ինչպես է հնարավոր իրականացնել նախագահի ծրագիրը. Թարխանյանը` Ծիծեռնակաբերդի այգու մասին
Պաշտոնանկությունների պատճառը ՀՀ ԶՈւ գլխավոր շտաբի պետ Արտակ Դավթյանի որդու հարսանիքն էր, որը տեղի ունեցավ հունիսի 7–ին։
Նույն օրը ԱԱԾ տնօրենի պաշտոնում նշանակվեց ԱԱԾ տնօրենի տեղակալ Արգիշտի Քյարամյանը։
Նշենք, որ Հայաստանում մինչև հուլիսի 13–ը արտակարգ դրության ռեժիմ է, և մեծածավալ միջոցառումների անցկացումն արգելված է։
