ԵՐԵՎԱՆ, 2 հուլիսի - Sputnik. Աֆրիկայի հարավում գտնվող Բոտսվանա երկրում դեռևս չպարզված հանգամանքներում 350 փիղ է սատկել։ Այս մասին հայտնում է բրիտանական The Guardian թերթը։
Թերթը գրում է, որ Բոտսվանայում փղերի անկման դեպքերը սկսել են գրանցվել մարտից։ Մայիսին բնապահպանական կազմակերպությունների ներկայացուցիչները հաշվել են փղերի 169 դիակ, իսկ հունիսի վերջին՝ արդեն 350: Վայրի բնության պահպանման մասնագետներն այս զանգվածային ոչնչացումը աղետ են որակում:
Նրանք սիրել գիտեն. փղերը խեղդվել են հանուն փոքրիկ փղիկի փրկության. լուսանկար
«Սա աննախադեպ երևույթ է։ Մահանում են թե՛ երիտասարդ, թե՛ ծեր փղերը, թե՛ արուները, և թե՛ էգերը։ Կենդանիների մեծ մասը նվաղ տեսք ունեն, ինչը նշանակում է, որ մահը վրա է հասել օրգանիզմի աստիճանական թուլացմամբ», - թերթին հայտնել է բրիտանացի բնապահպան Նեյլ Մըք Քանը:
Heartbreaking 💔
— animals_innocent_creatures (@AnimalsInnocent) July 1, 2020
More than 350 elephants drop dead in mysterious mass 'die off' clustered around water holes in Botswana's Okavango Delta
⠀
The carcasses are yet to be tested for pathogens or poison despite the first dying in EARLY MAY. https://t.co/tiSGyisEpB pic.twitter.com/xgFCEZ6nIP
Թե ինչից են մահանում փղերը, դեռ անհայտ է: Բնապահպանները մահվան մի քանի պատճառ է նշվում։ Ենթադրվում է, որ փղերին ցիանիդով թունավորել են որսագողերը։ Սակայն այս տարբերակը քիչ հավանական է, քանի որ փղերի ժանիքները, որոնք շուկայում թանկ արժեն, տեղում են։ Տարբերակներից մյուսը փղերի՝ սիբիրախտով վարակվելն է, մեկ այլ վարկածով փղերի անկման պատճառը կարող է լինել կորոնավիրուսը։
«Մեզ տեղի բնակիչները հայտնեցին, որ փղերը իրար հետևից շրջաններ գծելով են քայլել։ Դա խոսում է նյարդային խնդիրների մասին։ Բացի այդ, տարօրինակ է, որ փղերի դիակներին չեն մոտենում գիշատիչ թռչունները։ Հավանաբար, կենդանիների օրգանիզմներում տոքսիններ կան, ինչն էլ վանում է թռչուններին», - The Guardian-ին հայտնել է բրիտանացի բնապահպանը։
Նա չի բացառել նաև, որ փղերը կարող են նոր, դեռևս մարդկությանը անհայտ ախտով վարակված լինել, ինչը մարդկանց համար ևս կարող է վտանգավոր լինել։
Վարկածներից որևէ մեկը ո՛չ հաստատվել է, ո՛չ էլ՝ հերքվել: Լաբորատոր փորձաքննությունները սկսվել են, որոնց արդյունքները դեռ հայտնի չեն: Դրանք ձգձգվում են կորոնավիրուսի համավարակի և երկրի առողջապահական համակարգի ծանրաբեռնվածության պատճառով։
Hundreds of elephants dead in mysterious mass die-off https://t.co/UQOY6rMWo1
— The Guardian (@guardian) July 1, 2020
Բոտսվանայում ապրում են աշխարհում ամենաշատ թվով փղերը՝ շուրջ 130 հազար: 2014-ին երկրում արգելվեց փղերի որսը, սակայն 2019-ին կրկին թույլատրվեց, քանի որ կենդանիները զանգվածաբար սկսել էին հարձակվել մարդկանց վրա։ 2020-ին, սակայն, փղերի պաշտոնական որսաշրջանը չի բացվել կորոնավիրուսի պատճառով։
