ԵՐԵՎԱՆ, 1 հուլիսի – Sputnik. Վաղը` հուլիսի 2–ին, կմեկնարկեն միասնական քննությունները` դիմորդները քննություն կհանձնեն օտար լեզվից։ Տեղեկությունը Sputnik Արմենիային հայտնել է Գնահատման և թեստավորման կենտրոնի մամուլի խոսնակ Խաչանուշ Գրիգորյանը։
Գրիգորյանի տեղեկացմամբ` Երևանում ու մարզերում գործելու են 24 քննական կենտրոն, որոնցից 8-ը մայրաքաղաքում կլինեն:
Դիմորդները քնություն կհանձնեն ռուսերեն, անգլերեն, գերմաներեն, ֆրանսերեն, իսպաներեն, իտալերեն լեզուներից:
Ռուսերեն առարկայից քննություն հանձնողների թիվը 171-ն է, անգլերենից` 1812–ը, գերմաներեն են հանձնելու 57, ֆրանսերեն` 54, իսպաներեն` 5, իսկ Իտալերեն` 3 դիմորդ։
Պարսկերեն լեզվից ոչ ոք քննություն չի հանձնի։
Աշակերտների հավասար պայմանների համա՞ր. քննությունների չեղարկման մասին կարծիքները տարբեր են
Ի դեպ, մինչև քննության մեկնարկը բոլորը կջերմաչափվեն, դիմորդներին կտրամադրեն դիմակ, ձեռնոց և գրիչ։
Հիշեցնենք, որ Հայաստանում այս տարի միասնական քննությունները կմեկնարկեն հուլիսի 2-ին և կավարտվեն հուլիսի 8-ին։
Այս տարի կորոնավիրուսային իրավիճակով պայմանավորված` դիմորդները միայն մեկ քննություն կհանձնեն բուհ ընդունվելու համար։
Քննությունները կանցկացվեն մեկ փուլով։
Հայաստանում այս տարի դպրոցական քննություններ չեն անցկացվի. նախարար
