ԵՐԵՎԱՆ, 1 հուլիսի – Sputnik. Հուլիսի 2-ին Երևանի ուղղությամբ երեք չվերթ կիրականացվի Ղազախստանից, Ուկրաինայից և Ռուսաստանից։ Տեղեկությունը հայտնում է Քաղավիացիայի կոմիտեն։
Ըստ հաղորդագրության` հուլիսի 2-ին Ակտաու-Երևան-Ակտաու չվերթը կիրականացնի «Scat» ավիաընկերությունը (ինքնաթիռը Երևան կժամանի 02:00–ին, Երևանից կմեկնի 03:00–ին):
Նույն օրը «Belavia» ավիաընկերությունը կիրականացնի Մինսկ-Երևան-Մինսկ չվերթը (ինքնաթիռը Երևան կժամանի 02:45–ին, Երևանից կմեկնի 03:35–ին):
«Red Wings» ավիաընկերությունն էլ հուլիսի 2-ին կիրականացնի Մոսկվա-Երևան չվերթը (ժամանում` 21:40):
Հիշեցնենք` մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ Այն կտևի մինչև հուլիսի 13–ը` ժամը 17։00–ը ներառյալ։ ՀՀ սահմանը հատող քաղաքացիներն անցնում են պարտադիր 14-օրյա ինքնամեկուսացման ռեժիմի՝ ըստ իրենց բնակության հասցեների։
Հայաստանում կորոնավիրուսով վարակվածների թիվը հասել է 26 065–ի։
4-ը խանութ էին գնում, 1-ն էլ՝ աշխատանքի. հայտնաբերվել են ինքնամեկուսացման ռեժիմը խախտողներ