ԵՐԵՎԱՆ, 28 հունիսի — Sputnik. Վերջին 1 օրվա ընթացքում Հայաստանում գրանցվել է կորոնավիրուսով հիվանդների մահվան 6 դեպք: Ինչպես հայտնում է ՀՀ առողջապահության նախարարությունը, եղել է ևս 6 մահվան դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:
28 հունիսի 2020, 10:44
Մահացած ամենաերիտասարդ պացիենտը եղել է 33 տարեկան:
Նախարարությունը նաև հայտնում է, որ մահացած պացիենտները եղել են 33 և 85 տարեկան տղամարդիկ և 83, 87, 81 ու 80 տարեկան կանայք:
Բոլորն ունեցել են ուղեկցող խրոնիկական հիվանդություններ։
Այսպիսով` կորոնավիրուսի համավարակի ընթացքում Հայաստանում մահերի ընդհանուր թիվը ներկա պահին 426 է:
Նշենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 736–ով և դարձել 24 645։
