ԵՐԵՎԱՆ, 26 հունիսի – Sputnik. Լենինգրադի և Սմոլենսկի շրջաններում ԱԷԿ-ների նոր բլոկների կառուցման նախապատրաստական աշխատանքներ են մեկնարկել: Տեղեկությունը հայտնում է «Ռոսատոմ» պետական կորպորացիայի մամուլի ծառայությունը։ Համապատասխան որոշումը ստորագրել է կորպորացիայի գլխավոր տնօրեն Ալեքսեյ Լիխաչովը՝ Ռուսաստանի Դաշնությունում բլոկների կառուցման աշխատանքների կազմակերպման և ներդրումային նախագծերի իրականացման համար պատասխանատու անձանց նշանակման վերաբերյալ խորհրդակցության արդյունքով:
«Ռուսաստանի ատոմային բնագավառը մոտեցավ այս ժամանակաշրջանին ԱԷԿ-ի նոր մշակված տեսակների հետ՝ ВВЭР-1200 և ВВЭР-ТОИ։ Այս նախագծերը հաջողությամբ իրականացվում են ոչ միայն Ռուսաստանում, այլև արտասահմանում: Դրանցում օգտագործվում են առավել առաջադեմ նվաճումներն ու մշակումները, որոնք համապատասխանում են անվտանգության ժամանակակից միջազգային բոլոր պահանջներին»,- ասել է Լիխաչովը` մեկնաբանելով այս որոշումը։
Նշենք, որ այդ նախագծերն ընդգրկված են Ռուսաստանի Դաշնության կառավարության հաստատած` մինչև 2035 թվականը էլեկտրական էներգիայի օբյեկտների տեղակայման գլխավոր սխեմայում:
Լենինգրադի ԱԷԿ-ի նոր բլոկների համար ընդունվել է ВВЭР-1200 նախագիծը, որը նմանատիպ է Լենինգրադի ԱԷԿ-2-ի կառուցման առաջին հերթին: Սմոլենսկի ԱԷԿ-ում կկիրառվի ВВЭР-ТОИ նախագիծը, որը նման է Կուրսկի ԱԷԿ-2-ում կառուցվող նախագծին։
Երկու ներդրումային նախագծերի համար որպես տեխնիկական կապալառու հանդես կգա «Ռոսենգերոգոտոմ» կոնցեռնը, գլխավոր նախագծողներ՝ «Ատոմպրոեկտ» ԲԸ-ն (Լենինգրադի ԱԷԿ-2-ի համար) և «Ատոմեներգոպրոեկտ» ԲԸ-ն (Սմոլենսկի ԱԷԿ 2-ի համար), ռեակտորային կայանի գլխավոր կոնստրուկտոր ՝«Հիդրոպրես» ԲԸ-ն, միջուկային և ճառագայթային անվտանգության բնագավառի գիտական ղեկավար՝ «Կուրչատովի ինստիտուտ» ԿՏՀ:
«Ռոսատոմի» մասնագետները COVID-19–ի դեմ պայքարի նոր մեթոդ են գտել
«Նոր էներգաբլոկները կփոխարինեն РБМК-1000 ռեակտորները, որոնց ծառայության ժամկետը կավարտվի հաջորդ տասնամյակում: Ըստ նախնական հաշվարկների` երկու շինհրապարակում միանգամից կստեղծվի մինչև 15 հազար նոր աշխատատեղ, կապահովվեն կանոնավոր հարկային եկամուտներ տարածաշրջանային և տեղական բյուջեներ», - ընդգծել է «Ռոսենսերգոատոմ» կոնցեռնի գլխավոր տնօրեն Անդրեյ Պետրովը:
Մինչև այս տարվա վերջ Լենինգրադի ԱԷԿ-2- ի ВВЭР-1200 ռեակտորներով №3 և №4 նոր էներգաբլոկների շինհրապարակում կկազմվի նախապատրաստական աշխատանքների նախագիծ: Ապագա շինարարության վայրում նախատեսվում է կառուցել ժամանակավոր կենցաղային շինարարական քաղաքներ և արդյունաբերական բազա:
Սմոլենսկի ԱԷԿ-2 նոր էներգաբլոկները ՝ ВВЭР-ТОИ ռեակտորներով, 2510 մեգավատտ ընդհանուր հզորությամբ, կկառուցվեն ԱԷԿ-ի գործող էներգաբլոկներից 6 կմ հեռավորության վրա։
«Ռոսատոմը» աշխարհում միակ ընկերությունն է, որն ունի պաշարներ և իրավասություններ միջուկային էներգիայի արտադրության ցանցի բոլոր հատվածներում հաջող գործունեության համար: «Ռոսատոմը» միավորում է ակտիվները լայն տեսականիով` նախագծում, շինարարություն, ատոմակայանների շահագործում, ուրանի արդյունահանում, վերամշակում ու հարստացում, միջուկային վառելիքի մատակարարում, ծախսված վառելիքի պահպանում, փոխադրում և անվտանգ վերամշակում: «Ռոսատոմի» գործունեության շրջանակը ներառում է նաև միջուկային բժշկության կարիքների համար սարքավորումների և իզոտոպային ապրանքների արտադրություն, գիտական հետազոտությունների անցկացում, նյութագիտություն, թվային արտադրանքի արտադրություն և տարբեր միջուկային և ոչ միջուկային նորարարական ապրանքների արտադրություն: Պետական կորպորացիայի ռազմավարությունն է ՝ մշակել ցածր ածխածնի արտադրության նախագծերի զարգացում, ներառյալ հողմաէներգետիկան: Այսօր «Ռոսատոմը» միավորում է ավելի քան 300 ձեռնարկություն և կազմակերպություն, որոնցում ընդհանուր առմամբ աշխատում է շուրջ 250 հազար մարդ:
Ռոսատոմը հայ ուսանողներին «միջուկային արվեստ է» ցուցադրել
2020 թ-ին լրանում է Ռուսաստանի միջուկային արդյունաբերության 75 տարին: Ռուսաստանը եղել և մնում է ատոմային էներգիայի խաղաղ օգտագործման առաջատարը: 1954 թ-ին ռուս գիտնականները գործարկել են առաջին ատոմակայանը, իսկ այսօր Ռոսատոմն արդեն ունի վերջին սերնդի 3+ երեք կայան: Դարի երեք քառորդի ընթացքում, Ռուսաստանի միջուկային արդյունաբերության շնորհիվ, միջուկային էներգաբլոկները հայտնվել են շատ երկրներում, և այսօր «Ռոսատոմն» իր արտաքին պորտֆելով առաջատարն է:
