ԵՐԵՎԱՆ, 19 հունիսի — Sputnik. Երևան-Սևան ավտոճանապարհին` «Հրազդան» ցուցանակի մոտակայքում, վրաերթ է տեղի ունեցել։ 60–ամյա կնոջ վիճակը միջին ծանրության է։ Տեղեկությունը հայտնում են ՀՀ ԱԻՆ մամուլի ծառայությունից։
«Մ-4 ավտոճանապարհի Երևան-Սևան հատվածի 48-րդ կմ-ի ձախակողմյան հատվածում «Opel Astra G» մակնիշի ավտոմեքենան (վարորդ՝ Կարեն Ա․, ծնված 1985 թ․) վրաերթի է ենթարկել Հռիփսիմե Պ․-ին (ծնված 1960 թ.) և գլորվել ձորը (մոտ 20 մ)»,–ասվում է ԱԻՆ հաղորդագրության մեջ:
Մինչ փրկարարների՝ կանչի վայր հասնելը Հռիփսիմե Պ․-ն հոսպիտալացվել է Հրազդանի ԲԿ, որտեղ բժիշկները տուժածի առողջական վիճակը գնահատել են միջին ծանրության:
Էջմիածնում «Lexus»-ը վրաերթի է ենթարկել տատին և 2 թոռներին. վարորդը փախել է
Փրկարարները հոսանքազրկել են ավտոմեքենան, փակել գազի բալոնի փականը և իրականացրել տարածքի տեղազննում:
Հաղորդագրության մեջ նշված է, որ ավտոմեքենան ձորից դուրս բերելու համար անհրաժեշտ է հատուկ տեխնիկա: