ԵՐԵՎԱՆ, 17 հունիսի - Sputnik. ՀԾԿՀ անդամի թափուր տեղի համար ՀՀ վարչապետ Նիկոլ Փաշինյանի առաջադրած թեկնածու Կամո Սարգսյանն այսօր ԱԺ-ում պատասխանեց պատգամավորների՝ գազի սակագնին վերաբերող հարցերին:
Ինչո՞ւ գազի միասնական գին չի սահմանվում. Պուտինը պատասխանեց Փաշինյանին ու Լուկաշենկոյին
««Գազպրոմ Արմենիա» ընկերությունը ներկայացրել է 1000 խմ գազի դիմաց 283 դոլար սակագին: Մեր ուսումնասիրությունների արդյունքում, կատարելով ծախսային հոդվածների վերանայումներ, մենք ստացանք 1000 խմ-ի համար 266.7 դոլար սակագին»,–ասաց Սիմոնյանը՝ պարզաբանելով, որ «Գազպրոմ Արմենիան» ներկայացրել է ընդհանրացված սակագին, մինչդեռ հանձնաժողովը մտադիր է սոցիալական տարբեր խավերի համար սահմանել տարբեր սակագներ:
«Մինչև այժմ սակագնի հիմնական բեռը եղել է անհատ սպառողների՝ բնակիչ-բաժանորդների վրա: Մենք թանկացման դեպքում բնակիչ-բաժանորդների ու սոցիալապես անապահով բաժանորդների վրա թանկացման բեռ չենք դրել: Նրանց համար գազի գինը մնացել է նույնը: Մնացածը` 11-12%- ի չափով տեղափոխվել է հիմանականում 10 000 խմ և ավելի սպառող խոշոր բաժանորդների վրա»,- ասաց ՀԾԿՀ-ի անդամի թեկնածուն:
Նշենք, որ Կամո Սարգսյանը 2019թ.-ի մայիսի 31-ից մինչև 2020թ.-ի մայիսի 31-ը աշխատել է ՀԾԿՀ անդամ: Համակարգել է ջրային ոլորտը: Մինչ այդ եղել է ՀՀ Ջրային կոմիտեի նախագահը:
Հիշեցնենք` ապրիլի 1-ին հայտնի դարձավ, որ «Գազպրոմ Արմենիան» առաջարկում է որոշ սպառողների համար գազի գինը բարձրացնել 36%-ով։
Հունիսի 8-ին ՀԾԿՀ նախագահ Գարեգին Բաղրամյանը հայտնեց, որ «Գազպրոմ Արմենիան» առաջարկել է գազի միջին գինը սահմանել 283 դոլար. գործող սակագինը 255 դոլար է։ ՀԾԿՀ–ն, ըստ Բաղրամյանի, առաջարկել է 266.7 դոլար, ընդ որում` այդ գումարն այնպես պետք է բաշխվի, որ սոցիալապես անապահով սպառողների համար գների փոփոխություն չլինի։
Նա տեղեկացրել էր նաև, որ գազի գինը, ըստ իրենց առաջարկի, կավելանա ջերմոցների և վերամշակման գործարանների, ինչպես նաև 10 000 խորանարդից ավել սպառում ունեցողների համար։
Նիկոլ Փաշինյանը խոսեց գազի գնի ու «Գազպրոմի» մղումների մասին
