ԵՐԵՎԱՆ, 8 հունիսի – Sputnik. ՀՀ վարչապետ Նիկոլ Փաշինյանն այսօր պարետատան նիստի ավարտից հետո հերքեց լուրերը, թե մի շարք մասնավոր ԲԿ–ների առողջապահության նախարարությունը չի ներառում կորոնավիրուսի բուժման գործընթացում, ինչ է թե դրանց ղեկավարները նախկին իշխանության ներկայացուցիչներ են։
«Չեն համապատասխանում իրականությանն այդ լուրերը, որ մասնավոր ԲԿ–ներին չենք ընդգրկում համակարգում, քանի որ վաղուց արդեն իսկ կորոնավիրուսի բուժման գործընթացում ներգրավված են «Էրեբունի», «Արմենիա», «Աստղիկ» ԲԿ–ները։ Խնդիրը հակահամաճարակային կանոնների պահպանման մեջ է` շատ կարևոր է, որ մյուս բաժինները հնարավորինս մեկուսացված լինեն կորոնավիրուսի բուժմամբ զբաղվող բաժիններից, որպեսզի վարակը չտարածվի»,–ասաց Փաշինյանը։
Անդրադառնալով երգահան, ԵՊԲՀ հոգաբարձուների խորհրդի նախագահ Վահան Արծրունու գրառմանը, թե մարտից ԵՊԲՀ 1-ին հիվանդանոցում հատուկ covid-բաժանմունք է առանձնացվել, սակայն այն մինչ օրս չի օգտագործվել` Փաշինյանը նշեց, որ այդ հրապարակումից 3 օր առաջ թեման լուծված է եղել։
Փաշինյանը գոհ է. հակահամաճարակային կանոնների պահպանման դրական դինամիկա կա
Առողջապահության նախարարությունը, ըստ Փաշինյանի, բուժհաստատության հետ որոշում է կայացրել, իսկ երեկ բաց հայտարարություն են տվել, որին կարող են յուրաքանչյուրն արձագանքել։ Փաշինյանը նշեց` առողջապահական համակարգի ծավալումը միայն շենք և սարքավորում չէ` շատ կարևոր է, որ դրանք օգտագործվեն լավ մասնագետների կողմից։
Վարչապետը կարծում է, որ ակնհայտ է` կորոնավիրուսի հետ կապված շահարկումնհերը շատ են, ինչին ինքը հանգիստ է վերաբերվում։
«Քննադատությունների համատեքստում քննում ենք մեր գործողությունները։ Հատկանշական իրավիճակ է արձանագրվել` դաշտը պետք է բաժանել երկու մասի, քանի որ կան մարդիկ, որոնք շահագրգռված են, որ կորոնավիրուսը հնարավորինս տարածվի և վատ ընթացք ստանա։ Դրանք հայտնի քաղաքական շրջանակներն են»,–ասաց Փաշինյանը։
Նա ասաց նաև, որ այդ քաղաքական շրջանակները կորոնավիրուսի ավարտին զուգահեռ ավարտվելու են։ Չնայած, ըստ Փաշինյանի, վերոհիշյալ քաղաքական ուժերի գործունեությունն ավարտվել է, սակայն նրանք կարծես թե հասկանալու հետ կապված խնդիրներ ունեն։
Վարչապետը խոստացավ` կորոնավիրուսի ավարտից հետո քաղաքական հայտնի շրջանակներին այնպես կբացատրեն նրանց տեղը, որ այլևս չեն փորձի «քիթները խոթել» այնտեղ, որտեղ նրանց տեղը չէ։
Կառավարության նկատմամբ սաբոտաժային քայլերը, ըստ Փաշինյանի, գնահատականի են արժանանալու։
Հիշեցնենք, որ առողջապահության նախարարի մամուլի խոսնակ Ալինա Նիկողոսյանն արձագանքել էր Վահան Արծրունու հայտարարությանը` ասելով, որ առաջին անգամը չէ, որ ականատես են լինում ԵՊԲՀ–ի ներկայացուցիչների նման պահվածքին։
Պաշտոնյայի գործողությունները չպետք է հակասեն վարչապետի ասածի կոնտեքստին. Փաշինյան
Մասնավորապես, ոտք գցելուն (подножка) նախարարության ներկայացուցիչների և ԵՊԲՀ-ի միջև պայմանավորվածություններ ձեռք բերելուց հետո, այս կամ այն ծառայությունների մատուցման վերաբերյալ (Միքայելյան վիրաբուժության ինստիտուտում կովիդ բաժանմունքի հիմնում պետական բյուջեի միջոցների հաշվին, 1-ին հիվանդանոցում մեկուսարանների և փոքրաթիվ մահճակալների օգտագործում կովիդ-կասկածյալ և հաստատված պացիենտների համար)։
Նա հավելել էր, որ նման գործելաոճն անընդունելի է պետական հիմնադրամի կողմից, առավել ևս պետության համար վտանգավոր այս ժամանակաշրջանում, երբ կառավարությունը մոբիլիզացնում է իր բոլոր ռեսուրսները համավարակի դեմ պայքարում։
Եվս 3 բժշկական կենտրոն է միանում կորոնավիրուսի դեմ պայքարին. այլ նորություն էլ կա
