ԵՐԵՎԱՆ, 26 մայիսի — Sputnik. Երևանի Դավթաշեն վարչական շրջանում պատկան կառույցների շրջայցի և մշտադիտարկման ընթացքում արձանագրվել են հանրային տրանսպորտի ու տաքսի ծառայություններ մատուցողների համար ՀՀ պարետի որոշմամբ սահմանված անվտանգության կանոնների խախտումներ:
Ինչպես հայտնում է ՀՀ կառավարության պաշտոնական կայքը, ստուգված 65 տաքսի ավտոմեքենաներից 20-ում վարորդի կողքի առջևի նստատեղում ուղևորներ են եղել:
Նույն խախտումն է արձանագրվել նաև 3 միկրոավտոբուսներում: Ընդ որում, այս դեպքում առջևի նստարանին 2 ուղևոր է եղել նստած:
Ոստիկանության աշխատակիցները կարգը խախտած ուղևորներին իջեցրել են ու առաջարկել տեղափոխվել միկրոավտոբուսի հետնամաս:
Ստուգողների արձանագրած 1 ավտոբուսի վարորդ էլ երթևեկել է առանց պաշտպանիչ դիմակի։
Հայտնաբերված իրավախախտումների վերաբերյալ ոստիկանությունը կազմվել է արձանագրություններ։
Հիշեցնենք, կորոնավիրուսի տարածումը կանխելու նպատակով ՀՀ պարետի որոշմամբ, մայիսի 18-ից տրանսպորտում արգելվել է կանգնած ուղևորների փոխադրումը, բացի 9 մետրից ավելի երկարություն ունեցող տրանսպորտային միջոցների:
ԱԱՏՄ ստուգումները շարունակվում են. ովքեր են առավել հաճախ խախտում պարետի որոշումները
Նույն որոշմամբ սահմանված է, որ վարորդները պարտադիր պետք է կրեն եռաշերտ պաշտպանիչ դիմակներ ու ձեռնոցներ, որոնք պետք է փոխվեն 3 ժամը մեկ պարբերականությամբ։
Առանց դիմակի ու ձեռնոցի ուղևորների մուտքը տրանսպորտ արգելվում է: Արգելվում է նաև վարորդի կողքի նստարաններին ուղևորների նստեցումը:
