ԵՐԵՎԱՆ, 26 մայիսի - Sputnik. Հայաստանում կորոնավիրուսով վարակվածներից 250-ը գտնվում են ծանր, ևս 48-ը՝ ծայրահեղ ծանր վիճակում: Տեղեկությունը Facebook-ի իր էջում հայտնել է ՀՀ առողջապահության նախարար Արսեն Թորոսյանը:
«16 հոգի միացված են արհեստական շնչառության սարքերին»,- ավելացրել է նա:
Ավելի վաղ հայտնել էինք, որ Հայաստանում վերակենդանացման բաժանմունքներում մահճակալների ընդհանուր թիվը, որտեղ բուժվում են կորոնավիրուսով վարակված հիվանդները, 203-ն է, նրանց մեծ մասն արդեն զբաղված է:
Մայիսի 26-ի դրությամբ Հայաստանում COVID-19 վարակի հայտնաբերված դեպքերի թիվը հասել է 7402-ի: Նրանցից 91-ը մահացել է:
ՀՀ կառավարությունը մայիսի 14–ի նիստում որոշեց մարտի 16-ից հայտարարված արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը, ժամը 17։00–ը ներառյալ։
Կորոնավիրուսով հիվանդների մահճակալային ֆոնդն ավելացվել է ևս 102-ով. լուսանկարներ
Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։ Մայիսի 18–ից սկսած աշխատում է նաև հասարակական տրանսպորտը, բայց ուղևորների ու վարորդների համար դիմակ կրելու պարտադիր պահանջով։
