ԵՐԵՎԱՆ, 13 մայիսի – Sputnik. ԱՄՆ-ում 2020 թվականի նոյեմբերին նախատեսված նախագահական ընտրությունները կարող են հետաձգվել կորոնավիրուսի համավարակի պատճառով։ Time-ի փոխանցմամբ՝ այս տեղեկությունը հայտնել է նախագահ Դոնալդ Թրամփի խորհրդական Ջարեդ Քուշները։
Նա ասել է, որ չի կարող խոստանալ, որ ընտրությունները նախատեսված ժամկետում կանցկացվեն։
Խորհրդական Քուշները հույս է հայտնել, որ 2020 թվականի նոյեմբերին COVID-19-ի հետ կապված իրավիճակը կկայունանա։
Այսօրվա երեկոյան տվյալների համաձայն՝ ԱՄՆ-ում կորոնավիրուսի 1 414 053 վարակակիր կա, 83 769-ը մահացել են։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
Կորոնավիրուսն ու միջուկային մրցավազքը. ինչի՞ մեջ է ԱՄՆ–ն փորձում ներքաշել Չինաստանին
Աշխարհում կորոնավիրուսի 4.3 մլն դեպք է գրանցվել։ Մահացել է 292 893 մարդ։
