ԵՐԵՎԱՆ, 11 մայիսի – Sputnik. ՌԴ-ում սանիտարա-համաճարակաբանական իրավիճակի հարցերով խորհրդակցության ժամանակ ՌԴ փոխվարչապետ Տատյանա Գոլիկովան ասել է, որ Ռուսաստանում COVID-19-ից մահացությունը 7,4 անգամ ավելի քիչ է, քան ամբողջ աշխարհում։
«Բացի այդ, ես կցանկանայի նշել վարակվածների շրջանում թոքաբորբի տեսակարար կշռի նվազումը 25%-ից մինչև 20,6%, հիվանդանալու ամսաթվից մինչև հոսպիտալացում ընկած ժամանակահատվածի նվազումը` գրեթե 9 անգամ, ինչպես նաև հիվանդության տարածման տեմպի նվազումը։ Այս ամենը թույլ է տվել Ռուսաստանի Դաշնությունում ունենալ բավականին ցածր մահացության ցուցանիշներ՝ 7,4 անգամ քիչ, քան ամբողջ աշխարհում»,-ասել է Գոլիկովան։
Ընդ որում՝ նա նշել է, որ դրաից պետք չէ թուլանալ, այլ հարկավոր է ձգտել նրան, որ այդ ցուցանիշները էլ ավելի նվազեն։
