ԵՐԵՎԱՆ, 30 ապրիլի – Sputnik. ՌԻԱ Նովոստիի հաղորդմամբ՝ այսօր երեկոյան ռուսական ռուբլին դոլարի և եվրոյի նկատմամբ կայուն աճ է գրանցել` արձագանքելով նավթի շուկայում առկա միտումներին։
Ռուսական ռուբլին արդեն մի քանի օր շարունակ ամրապնդում է դիրքերը։ Այսօր հիմնական ազդակը եկել է նավթի շուկայից, որտեղ երեկոյան Brent տեսակի համար 6,2%–ի, այսինքն՝ մեկ բարելի դիմաց մինչև 24,2 դոլար աճ է արձանագրվել։
Այսպիսով, դոլարը թարմացնում է ապրիլի կեսերից, եվրոն` մարտի սկզբից գրանցած նվազագույն արժեքը, երբ նավթի գինն անկում ապրեց։ Դոլարի փոխարժեքը Մոսկվայի ժամանակով 20։40 «վաղվա» հաշվարկով նվազում էր 97 կոպեկով, մինչև 73,17 ռուբլի (նվազագույն արժեք ապրիլի 14-ից), եվրոյի փոխարժեքը` 73 կոպեկով, մինչև 79,47 ռուբլի, հետևում է մոսկովյան բորսայի տվյալներից։
Ռուբլու կայունացմանը նպաստեցին ՌԴ ֆինանսների նախարարության աճուրդի արդյունքները։ Նախարարությունն այսօր գրեթե 190 մլրդ ընդհանուր պահանջարկի պարագայում 134 մլն ռուբլու Դաշնային վարկային պարտատոմսեր էր տեղաբաշխել։ Պատմության մեջ սա տեղաբաշխման ծավալով երրորդ արդյունքն է։
Brent տեսակի նավթի գինը 1999 թվականից հետո առաջին անգամ իջել է 16 դոլարից
Արդյունքում դոլարն ու եվրոն երեկոյան նվազում էին ռուբլու նկատմամբ 0,8-1,2%–ով։ Միևնույն ժամանակ նավթի ռուբլային գինը տատանվում էր Brent տեսակի մեկ բարելի դիմաց 1,75 հազարի մակարդակի սահմաններում։
