ԵՐԵՎԱՆ, 28 ապրիլի – Sputnik. RT–ն հայտնում է, որ այսօր աճուրդի ժամանակ WTI տեսակի նավթի գինը ընկել է 20,58%–ով։ Երևանի ժամանակով 12:05–ի դրությամբ՝ WTI տեսակի նավթի հունիսյան ֆյուչերսները նվազել է բարելի դիմաց մինչև 10,15 դոլար։
Աղբյուրի համաձայն` Brent տեսակի նավթը հունիսի մատակարարմամբ նվազում է 4,60%–ով` բարելի դիմաց մինչև 19,07 դոլար։
Հիշեցնենք, որ WTI գինն ապրիլի 20-ին պատմության մեջ առաջին անգամ բացասական էր դարձել։ Նավթի գներին չի օգնել նաև արդյունահանման կրճատման մասին ՕՊԵԿ–ի վերջերս կնքած համաձայնագիրը։ Նավթի գների վրա շարունակում է ճնշել ցածր պահանջարկի պայմաններում նավթի շուկայում հումքի ավելցուկի խնդիրը։
Միջազգային էներգետիկ գործակալության գնահատականի համաձայն` աշխարհում 2020 թվականին նավթի պահանջարկը կորոնավիրուսի տարածման պատճառով կնվազի օրական ռեկորդային 9.3 մլն բարելով։ Ապրիլին պահանջարկը կկրճատվի օրական 29 մլն բարելով` 1995 թվականից ի վեր հասնելով մինչև ամենացածր մակարդակին։
Հաջողված հարված, կամ Ամերիկայի հեղափոխությունն ընդդեմ ռուս-արաբական հզորության` ճնշված է
