ԵՐԵՎԱՆ, 20 ապրիլի –Sputnik. Ռուսաստանցի մանկաբարձ–գինեկոլոգ Լյուբով Երոֆեևան նշել է, որ կորոնավիրուսը հղի կանանց մոտ կարող է ավելի ծանր ընթացք ունենալ, քան այլ վարակվածների։
«Ես թույլ եմ, շուտ եմ բռնկվում»․ Լուսինե Թովմասյանի խոստովանությունն ու անկեղծ լուսանկարը
Ըստ նրա` վարակվելու ռիսկը մեծ է բոլորի համար, սակայն հղի կանայք հատուկ ռիսկի խմբում են, քանի որ հղիության ժամանակ սրվում են խրոնիկ հիվանդությունները։
Գինեկոլոգը նշել է, որ անթոների, լյարդի, երիկամների, նյարդային հանգույցների կամ աղեստամոքսային տրակտի ֆիզիոլոգիական որոշակի առանձնահատկությունների դեպքում հղիությունը կարող է զգալիորեն ուժեղացնել ծանրաբեռնվածությունը։
«Դեռ վաղ է խոսել այն մասին, թե ինչպես COVID-19–ը կազդի ապագա երեխայի վրա։ Սակայն SARS–ի, թռչնի կամ խոզի գրիպի նախկին համաճարակների փորձից դատելով կարելի է նշել, որ վարակվելու ռիսկը մեծ է նաև երեխայի մոտ», – ասել է բժիշկը։
Բացի այդ, եղել են նաև ուշ շրջանում հղիության ընդհատման դեպքեր այն պատժառով, որ պտուղը չի կարողացել հաղթահարել մոր հիվանդությունը։
Բժիշկը խորհուրդ է տվել հղիներին պահպանել ինքնամեկուսացման ռեժիմը. դա իսկապես կարող է ապահովել նրանց անվտանգությունը։
«Պետք է նստել տանը և խուսափել ցանկացած սոցիալական շփումից: Դա ամենակարևորն է։ Քայլեք բնակարանում, այլ ոչ թե փողոցում։ Վերցրեք սմարթֆոնն ու միացրեք քայլերը հաշվող հավելվածը և հաշվեք ձեր քայլերը։ Բնակարանոում 10 հազար քայլ օրական հեշտությամբ կարելի է անցնել», – ասել է նա։
Բժշկուհին հավելել է, որ ուժերի ներածին չափով թեթև խոնավ մաքրությունը ևս չի վնասի և եզրափակել, որ պետք չէ կենտրոնանալ բացասական նորությունների վրա։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
«Իսկ արքայազնին երևի կերել է»․ Եփրիկյանի կարանտինն ուրախ է անցնում Հայաստանում
