ԵՐԵՎԱՆ, 13 ապրիլի – Sputnik. Այլ միջոցների բացակայության դեպքում պաշտպանիչ դիմակն առողջ մարդկանց համար ավելացնում է COVID-19-ով վարակվելու ռիսկը։ Այդ տեղեկությունը «360» հեռուստաալիքի եթերում այսօր հայտնել է Ռուսաստանում Առողջապահության համաշխարհային կազմակերպության ներկայացուցիչ Մելիտա Վույնովիչը։
Երբ կնահանջի COVID-19-ը. Չինաստանի առաջատար համաճարակաբանը խոսել է համավարակի մասին
«Անհրաժեշտ է, որ մարդիկ բավարար քանակությամբ դիմակներ ունենան։ Սակայն դիմակն ամբողջովին չի կարող պաշտպանել։ Եթե դիմակ դնեք ու պաշտպանիչ այլ միջոցներ չկիրառեք՝ ձեռքերը չլվանաք, հեռավորությունը չպահպանեք, ապա հաստատ կվարակվեք», - նշել է փորձագետը։
Բացի այդ, նա ավելացրել է, որ եթե շնչառությունից խոնավացած դիմակը երկու ժամից աղբամանը չնետեք, ապա այն կարող է վարակման աղբյուր դառնալ։ Ընդ որում՝ առողջ մարդիկ ավելի է դիմակ չդնեն, եթե նրանք հիվանդ մարդու հետ նույն տարածքում չեն գտնվում։ Այդ դեպքում հեռավորությունն ավելի արդյունավետ միջոց է, քան դիմակը։
Առողջապահության համաշխարհային կազմակերպությունը (ԱՀԿ)մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը բոլոր պետություններին կոչ է արել միավորվել վարակի դեմ պայքարում:
Հայաստանում կորոնավիրուսով վարակվածների թիվը դարձավ 1039. ևս մեկ մարդ մահացել է
