ՀՀ առողջապահության նախարար Արսեն Թորոսյանը Facebook–ի իր էջում մի տեսանյութ է հրապարկել, որում երևում է, թե ինչպես են դիմակներով ու հատուկ համազգեստով կամավորներն ու բուժաշխատողները պարում Արամ Խաչատրյանի հանրահայտ «Դիմակահանդեսի» հնչյունների տակ։
Նախարարի հրապարակած տեսանյութը շատերին է դուր եկել, մարդիկ ևս մեկ անգամ շնորհակալություն են հայտնել բուժաշխատողներին։ «Եթե չեմ սխալվում, այս վալսը պարել են Ծաղկաձորի «Նաիրի» հյուրանոցի տանիքին»,– նշել է օգտատերերից մեկը։
Մեկ ուրիշն էլ գրել է. «Եղե՛ք առողջ, առողջացրե՛ք... կգա այն օրը, երբ բոլորդ առանց պաշտպանիչ համազգեստի կպարեք Արամ Խաչատրյանի այս գեղեցիկ երաժշտության ներքո: Բրավո՜, ապրեք: Ձեզ անսպառ ուժ և համբերություն...»։
Հիշեցնենք` Հայաստանում կորոնավիրուսով վարակվածների թիվը հասել է 853–ի, վերջին մեկ օրում 20 նոր դեպք է արձանագրվել։
Աստրախանում հայն անվճար տեղափոխում է բժիշկներին. նրա մարտահրավերին 30 կամավոր է միացել
