ԵՐԵՎԱՆ, 6 ապրիլի – Sputnik. Մեծ Բրիտանիայի վարչապետ Բորիս Ջոնսոնին թոքերի արհեստական օդափոխման սարքին կմիացնեն: Այս մասին «ՌԻԱ Նովոստիին» հայտնել է Մեծ Բրիտանիայի առողջապահության ազգային համակարգի ղեկավարությանը մոտ կանգնած աղբյուրը։
Ավելի վաղ վարչապետի պաշտոնական ներկայացուցիչը հայտնել էր, որ Ջոնսոնին տեղափոխել են հիվանդանոց, քանի որ Մեծ Բրիտանիայի վարչապետը շարունակում է բարձր ջերմություն ունենալ և հազում է:
Բորիս Ջոնսոնի՝ COVID-19-ով վարակվելու մասին հայտնի էր դարձել մարտի 27-ին։ Առողջապահության համաշխարհային կազմակերպությունը (ԱՀԿ) մարտի 11-ին հռչակեց նոր կորոնավիրուսի COVID-19- ի բռնկումը համաճարակի: Կազմակերպությունը կոչ է անում պետություններին միանալ վարակի դեմ ակտիվ պայքարին:
