ԵՐԵՎԱՆ, 27 մարտի –Sputnik. Բրիտանիայի վարչապետ Բորիս Ջոնսոնի մոտ կորոնավիրուս է հայտնաբերվել։ Տեղեկությունը բրիտանական կառավարության ղեկավարն անձամբ է հայտնել Twitter-ի իր էջում։
Over the last 24 hours I have developed mild symptoms and tested positive for coronavirus.
— Boris Johnson #StayHomeSaveLives (@BorisJohnson) March 27, 2020
I am now self-isolating, but I will continue to lead the government’s response via video-conference as we fight this virus.
Together we will beat this. #StayHomeSaveLives pic.twitter.com/9Te6aFP0Ri
Ջոնսոնը տեղեկացրել է, որ վերջին օրերին իր մոտ թույլ ախտանշաններ են եղել, կորոնավիրուսի թեստ է անցել, և պատասխանը դրական է եղել։
«Այժմ ես ինքնամեկուսացման մեջ եմ գտնվում, բայց տեսակապի միջոցով կշարունակեմ ղեկավարել կառավարությունը։ Մենք կհաղթենք վիրուսին», – գրել է նա։
«Իգորին մի՛ զանգեք». Նիկոլաևը կորոնավիրուսի ախտորոշման թեստ է հանձնել, կինը նյարդային է
Նշենք, որ Covid-19-ով վարակված մարդկանց ընդհանուր թիվն ամբողջ աշխարհում մարտի 27-ի առավոտվա դրությամբ կազմում է 533 015 մարդ, մահացել են 24 095-ը։ Առողջապահության համաշխարհային կազմակերպության (ԱՀԿ) կայքը հայտնում է, որ հիվանդությանն արդեն բախվել է աշխարհի 199 երկիր։ Մեկ օրում հաստատված դեպքերի թիվն աճել է 63 հազարով։
