ԵՐԵՎԱՆ, 26 մարտ – Sputnik․ Թուրքիայի առողջապահության նախարար Ֆահրեթին Քոջան Twitter-ի իր միկրոբլոգում հայտնել է, որ Թուրքիայում կորոնավիրուսի զոհ է դարձել ևս 15 մարդ։
SON 24 SAATTE 5.035 test sonuçlandı. 561 tanı kondu. 15 hastamız hayata veda etti. Bugüne dek kaybettiğimiz hasta sayısı 59. Toplam hasta sayımız 2.433. SAYILAR, KAYIP ACISINI, ENDİŞEYİ İFADE EDEMEZ. Sıfır riskle yaşamaya çalışalım. Bizi hayata tedbir bağlar.
— Dr. Fahrettin Koca (@drfahrettinkoca) March 25, 2020
Քոջան նշել է, որ վերջին 24 ժամում երկրում 5035 թեստ է անցկացվել, հաստատվել է 561 նոր դեպք։
Թուրքիայի առողջապահության նախարարն ավելացրել է, որ վարակից մահացածների ընդհանուր թիվը երկրում հասել է 59-ի, իսկ վարակվածների թիվը՝ 2433-ի։
Թուրքիայում կորոնավիրուսի պատճառով առաջին զոհը գրանցվել է մարտի 18-ին։ Վարակից մահացած տղամարդն 89 տարեկան էր։
Թուրքիայում կորոնավիրուսից մահացածների թիվը հասել է 30-ի
Առողջապահության համաշխարհային կազմակերպությունը (ԱՀԿ) մարտի 19–ին նոր COVID-19 կորոնավիրուսի բռնկումը համավարակ հայտարարեց։ Կազմակերպությունը կոչ է արել բոլոր երկրներին միանալ վարակի դեմ ակտիվ պայքարին։
