ԵՐԵՎԱՆ, 18 մարտի – Sputnik. Կորոնավիրուսի տարածումը կանխարգելելու նպատակով Երևանի բոլոր վարչական շրջանների համատիրություններն իրականացնում են մուտքերի և վերելակների ախտահանում։ Տեղեկությունը հաղորդում է Երևանի քաղաքապետարանը՝ կից ներկայացնելով այդ մասին վկայող լուսանկարներ:
![Երևանում շենքերի մուտքերն ու վերելակներն ախտահանվում են. լուսանկարներ Երևանում շենքերի մուտքերն ու վերելակներն ախտահանվում են. լուսանկարներ - Sputnik Արմենիա](https://cdn.am.sputniknews.ru/img/2243/55/22435564_0:0:1600:1067_600x0_80_0_0_f522e946a309dca41155e40756b0c60e.jpg)
Նշենք, որ այս պահի դրությամբ Հայաստանում կորոնավիրուսով վարակվելու 84 դեպք է արձանագրվել։
![Երևանում շենքերի մուտքերն ու վերելակներն ախտահանվում են. լուսանկարներ Երևանում շենքերի մուտքերն ու վերելակներն ախտահանվում են. լուսանկարներ - Sputnik Արմենիա](https://cdn.am.sputniknews.ru/img/2243/55/22435559_0:0:1600:1067_600x0_80_0_0_63ac7644fafcf88299b219d25ba4eaef.jpg)
Վարակման առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ էր, որն Իրանից Հայաստան էր ժամանել փետրվարի 28-ին: Նա արդեն դուրս է գրվել հիվանդանոցից։ Մարտի 11-ին ՀՀ–ում կորոնավիրուսի երեք նոր դեպք հայտնաբերվեց։
Վարակվածները եկել էին Իտալիայից։ Նրանցից մեկն Էջմիածնի բնակչուհի է և, ըստ լուրերի, գնացել էր Իտալիա` որդու ընտրյալի համար հարսանյաց զգեստ գնելու, այնուհետև Էջմիածնում մասնակցել էր որդու նշանադրությանը։ Դրանից հետո վարակակիրների թիվը սկսեց աճել։
Երևանում հիվանդանոցի մոդուլային ընդունարան է կառուցվում
Մարտի 16-ին ՀՀ վարչապետ Նիկոլ Փաշինյանը հայտնեց, որ կորոնավիրուսի դեպք է արձանագրվել նաև Երևանի արտադրական ձեռնարկություններից մեկում։
Հայաստանում մարտի 16–ից ապրիլի 14-ը արտակարգ դրություն է հայտարարվել։
Եգիպտոսում մնացած հայաստանցիներին հայրենիք վերադառնալու վերջին հնարավորություն է տրվում