ԵՐԵՎԱՆ, 15 մարտի –Sputnik. Վարչապետ Փաշինայնն այսօր Facebook-ի ուղիղ եթերի ընթացքում անդրադարձավ նաև ապրիլի 5–ին նախանշված հանրաքվեին։ Նրա խոսքով` կորոնավիրուսի տարածումը կանխարգելելու նպատակով հնարավոր է, որ հանրաքվեն չեղարկվի։
«Չի կարող լինել ավելի կարևոր, քան հանրային առողջությունը։ Եթե տեսնենք, որ հանրաքվեն և համաճարակային իրավիճակը հակասում են իրար, մենք համապատասխան որոշում կկայացնենք»,- նշեց վարչապետը՝ չբացառելով, որ վաղը կառավարության նիստում կարող է քննարկվել նաև Հայաստանի որոշ հատվածներում արտակարգ դրություն հայտարարելը, եթե դրա անհրաժեշտությունը լինի։
Հիշեցնենք, որ կորոնավիրուսով վարակման 3 դեպք հաստատվել էր այսօր առավոտյան։ Նրանց մեջ նաև Էջմիածնի դպրոցներից մեկում սովորող երեխա կա։ Վարակվածներից 21 պացիենտի առողջական վիճակը բավարար է, այդ թվում` նաև դպրոցահասակ երեխայի: Մյուս 2 պացիենտի մոտ առկա է թոքաբորբ, նրանց կյանքին նույնպես վտանգ չի սպառնում։
Մարզային հիվանդանոցներն օգնության կհասնե՞ն Երևանին. կորոնավիրուսը մարզերի տեղը «գիտի»
Ժամը 20։00–ի սահմաններում պարզ դարձավ, որ ևս 3 մարդու թեստեր դրական արդյունք են արձանագրել։ Իսկ քիչ առաջ նրանց ավելացան ևս 2–ը։ Այսպիսով` միայն մարտի 15–ին կորոնավիրուսով վարակման 8 դեպք է գրանցվել Հայաստանում։ Ընդհանուր ունենք 28 վարակակիր։ Մոտ 300 քաղաքացի գտնվում են կարանտինում։
Հայաստան կբերվեն կորոնավիրուսի ախտորոշման «արագ թեստեր». Տիգրան Ավինյան
Առնվազն մինչև մարտի 23 -ը ՀՀ-ում չեն գործի կրթական հաստատությունները։ ՀՀ ԿԳՄՍ նախարար Արայիկ Հարությունյանի հանձնարարությամբ` հատուկ օնլայն հարթակներ են ստեղծվում հեռավար ուսուցման կազմակերպման համար։ Չեն գործի նաև թատրոնները, համերգասրահները և այլ շատ հասարակական վայրեր։
