ԵՐԵՎԱՆ, 13 մարտի — Sputnik. Կորոնավիրուսով վարակված ՀՀ քաղաքացին պետությունից թաքցրել է, որ ջերմությունը բարձրացել է և կաթիլային ընդունելուց հետո գնացել է նշանադրության։ Facebook սոցցանցի իր էջում ուղիղ եթերի ժամանակ ՀՀ վարչապետ Նիկոլ Փաշինյանն այս լուրը հայտնեց` ամփոփելով կառավարությունում կորոնավիրուսի հետ կապված խորհրդակցության արդյունքները։
Մարտի 11-ին ՀՀ–ում կորոնավիրուսի երեք նոր դեպք էր հայտնաբերվել։ Վարակվածները եկել էին Իտալիայից։ Նրանցից մեկն Էջմիածնի բնակչուհի է և, ըստ լուրերի, գնացել էր Իտալիա` որդու ընտրյալի համար հարսանյաց զգեստ գնելու։ Դրանից հետո կինը մասնակցել է որդու նշանադրությանը։
«Մենք հիմա մի իրավիճակի առաջ են կանգնած, ըստ որի` մեկ ընտանիքի երեք անդամներ են վարակվել կորոնավիրուսով` էջմիածնեցի կինը, իր ամուսինը և կնոջ մորաքրոջ տղան։ Նրանք այժմ մեկուսացվել են»,–ասաց Փաշինյանը։
Նա պատմեց, որ կորոնավիրուսով վարակված կինը, վերադառնալով Իտալիայից, օդանավակայանում հաշվառման է անցել, ջերմաչափվել, գնացել Էջմիածին։ Հետո նրա ջերմությունը բարձրացել է, բայց նա ոչ միայն պետությունից է թաքցրել այդ փաստը, այլ նաև հարազատներից։
Կորոնավիրուսով վարակվածների, մահացածների և բուժվածների թիվն աշխարհում. մարտի 13-ի տվյալներ
Կաթիլային ընդունելուց հետո նա որոշում է կայացրել մասնակցել նշանադրությանը և այդ ընթացքում շփվել է վարսավիրի, ոսկերչի հետ ու գնացել նշանադրության։
Այժմ, ըստ վարչապետի, կնոջ հետ բոլոր շփվածները մեկուսացվել են, այդ թվում` վարսավիրն ու ոսկերիչը։
Հիշեցնենք` պաշտոնապես Հայաստանում հիվանդների թիվը 6-ն է, բայց վարակվածները կարող են ավելի շատ լինել։ Մարտի 12-ի դրությամբ Ծաղկաձորում պաշտոնապես մեկուսացված է ընդհանուր առմամբ 98 մարդ։ Նրանցից 31-ը «Գոլդեն փելես» հյուրանոց են տեղափոխվել դեռ մարտի 1–ին, 2 շաբաթ ժամկետով։ Մարտի 11-ին հյուրանոցում կարանտինի են տեղավորել ևս 10 մարդու, իսկ մարտի 12-ին` ևս 57–ին։ Նրանք բոլորը ուղիղ շփում են ունեցել կորոնավիրուսով վարակված մարդու հետ։
Քաղավիացիայի ոլորտում ստեղծված վիճակը համեմատում են 2–րդ համաշխարհայինի հետ
