Տաթև Հայրապետյանի փոխանցմամբ` սկսվել է իրենց քարոզչության ակտիվ փուլը, վարչապետն արդեն Սյունիքի մարզում է և սկսել է հանդիպումների շարքը։
«ԱԺ քառօրյայի ավարտից հետո պատգամավորները նույնպես կընդգրկվեն քարոզարշավում և կմասնակցեն մարզային հանդիպումներին։ Դատելով ընդհանուր տրամադրություններից` կարելի է ասել, որ մարդիկ շատ լավ հասկանում են, թե ինչի մասին է խոսքը, իսկ այն տեղերում, որտեղ կարիք կա հավելյալ ներկայացնել խնդիրը, չենք զլանում, պատրաստակամորեն պարզաբանումներ ենք տալիս»,– նշում է «Այո»–ի շտաբի ներկայացուցիչը։
Տաթև Հայրապետյանի տեղեկացմամբ` մարդիկ հանդիպումների ժամանակ բարձրաձայնում են տարբեր խնդիրներ, ինչն, ըստ պատգամավորի, նորմալ է, քանի որ ինչպես նշել է «Այո»–ի շտաբի ղեկավար Սուրեն Պապիկյանը, քարոզարշավի շրջանակներում իրենք քաղաքացիների հետ անկեղծ զրույցի են բռնվում նաև վերջիններիս հուզող թեմաների վերաբերյալ։
Խոսելով անձնագրի տեսքով բուկլետների դիզայնի մասին` Տաթև Հայրապետյանը նշում է, որ դիզայնի մտահղացումը կայացվել է «Այո»–ի շտաբում։ Ըստ կոնցեպտի` դրանցում տպագրված ելքի վիզաների, դրոշմանիշերի նպատակն այն է, որ այն փոփոխությունները, որոնք ընտրվել է քաղաքացու քվեի շնորհիվ, պետք է լինեն շարունակական։ Ըստ Հայրապետյանի` հանրաքվեով իրենք հետագա շատ կարևոր ռեֆորմների հնարավորություն են ստեղծում։
«Քարոզարշավի ընթացքում անմիջական հանդիպումները մարդկանց փոքր խմբերի հետ և մեծ հանրահավաքները համադրելի են։ Մարզային ձևաչափով հանդիպումները քաղաքացիների հետ բավականին արդյունավետ են։ Անկախ ամեն ինչից, քաղաքացու հետ անկեղծ զրույցը մեր ամենակարևոր խնդիրներից մեկն է»,– նշում է «Այո»–ի շտաբի ներկայացուցիչը։
Փաշինյանին մետրոյում տհաճ անակնկալ էր սպասում, բայց նա իրեն չկորցրեց. տեսանյութ
Տաթև Հայրապետյանի կարծիքով` պատահական չէ, որ հանդիպումների ժամանակ մարդիկ ավելի շատ բարձրաձայնում են սոցիալական խնդիրներ։ Գաղտնիք չէ, որ կառավարության վերջին շրջանի ամբողջ գործունեությունը միտված է եղել սոցիալական որոշ խնդիրներ լուծելուն, հետևաբար յուրաքանչյուր մարդու նախևառաջ հուզում են իր սոցիալական հարցերը, որոնք նա բարձրաձայնում վարչապետի կամ պատգամավորների հետ հանդիպման ժամանակ։
Հիշեցնենք, որ սահմանադրական փոփոխությունների համար հանրաքվեն կկայանա ապրիլի 5–ին։ Քարոզարշավը մեկնարկել է մարտի 2-ին և կտևի մինչև ապրիլի 3-ը։
