ԵՐԵՎԱՆ, 5 մարտի — Sputnik. Նախատեսվում է ՀՀ երրորդ նախագահ Սերժ Սարգսյանին Ապրիլյան պատերազմի հանգամանքներն ուսումնասիրող հանձնաժողով հրավիրել մինչև ապրիլի սկիզբ, իսկ քննարկումը, բնականաբար, անցկացնել փակ ռեժիմով։ Այս տեղեկությունը հայտնի է դարձել «Փաստ» թերթին։
Հիմա էլ եք կարծո՞ւմ, որ ապրիլյան պատերազմը ՌԴ–ն էր հրահրել. պատասխանում է Փաշինյանը
Երրորդ նախագահին հանձնաժողով հրավիրելու մասին, ի դեպ, քանիցս հայտարարել է նաև քննիչ հանձնաժողովի նախագահ Անդրանիկ Քոչարյանը։ Սակայն, ըստ թերթի, ուշագրավ են ստացվող տեղեկությունները, որ իշխանությունները պլանավորում են Սերժ Սարգսյանին հանձնաժողով հրավիրել հենց ապրիլի սկզբին:
Հիշեցնենք` մոտ մեկ տարի է, ինչ ԱԺ-ում գործում է 2016 թվականի ապրիլին ծավալված ռազմական գործողությունների հանգամանքների ուսումնասիրման քննիչ հանձնաժողով, որտեղ այս մեկ տարվա ընթացքում հրավիրվել են մեծ թվով զինվորականներ և բարձրաստիճան նախկին ու ներկա պաշտոնյաներ, որոնք պատասխանել են հանձնաժողովին հետաքրքրող հարցերին։
«Ապրիլյան հանձնաժողովը լավ կաներ` Նիկոլ Փաշինյանին հրավիրեր հարցաքննության». Շարմազանով
Թերթը գրում է, որ այս հանձնաժողովի աշխատանքների հետ կապված հանրային կարծիքը, մեղմ ասած, միանշանակ չէ. մի կողմից՝ հանրությանը միանշանակ հուզում է, թե, ի վերջո, թերացե՞լ են արդյոք 2016-ին ՀՀ իշխանությունները, կամ եղե՞լ են լուրջ բացթողումներ ու թերացումներ։ Մյուս կողմից՝ քիչ չեն տեսակետները, որ այս քննիչ հանձնաժողովի գործողությունները ոչ այնքան մասնագիտական ուղղվածություն ունեն, որքան քաղաքական։
2019թ.–ին հանձնաժողովը 21 նիստ էր գումարել, որոնցում հարցաքննել էր 10 զինծառայողների։
Բացի այդ ՊՆ–ից հանձնաժողով են ուղարկվել մեծ ծավալի փաստաթղթեր, որոնցից առայժմ ուսումնասիրվել է 2684 էջը` 147տեքստային և 14 գրաֆիկական քարտեզներով, տեղեկատվական– վերլուծական և հետախուզական, զորքերի կառավարման, օպերատիվ և այլ բնույթի գաղտնի և հույժ գաղտնի փաստաթղթերով։
Ապրիլյանի հանգամանքներն ուսումնասիրող հանձնաժողովը պարտավոր է լսել Սերժ Սարգսյանին
