ԵՐԵՎԱՆ, 2 մարտի — Sputnik. Գեղարքունիքի և Արարատի մարզերի հանրակրթական որոշ հաստատություններում ավարտին է հասցվում ջեռուցման համակարգերի անցկացման ծրագիրը։ Ծրագիրն իրականացնում է «ԳեոՊրոՄայնինգ» ընկերությունը։ Ինչպես տեղեկացնում են ընկերության մամուլի ծառայությունից, դպրոցների գազիֆիկացման նախագծի իրականացմանը տրամադրել է 110 մլն․ՀՀ դրամ (230 հազ․դոլար):
Ծրագրի առաջին փուլը նախատեսում է հինգ դպրոցների գազիֆիկացում և ջեռուցման համակարգերի տեղադրում, որտեղ գրեթե 30 տարի դասասենյակների ջեռուցման խնդիրը լուծվում էր «բուրժույկաների» և հեղուկ վառելիքի միջոցով։
Ծրագրի առաջին փուլն ավարտվել է: Վարդենիսի 3 հիմնական դպրոցներն արդեն օգտվում են ջեռուցման լոկալ համակարգից:
Մեկ դպրոց` երկու տնօրեն. Գյումրու թիվ 19 դպրոցում աթոռակռիվ է
Սոթք գյուղի դպրոցում և դպրոցին կից գործող մանկապարտեզում և Արարատ քաղաքի դպրոցներից մեկում ջեռուցման համակարգերի մոնտաժման աշխատանքները ևս մոտենում են ավարտին, և 2020թ․մարտին նախատեսվում է դրանք հանձնել շահագործման։
