ԵՐԵՎԱՆ, 17 փետրվարի — Sputnik. ՌԻԱ Նովոստին, հղում անելով Hurriyet թերթին, հայտնում է, որ Անկարայի Օրթաքյոյ գերեզմանատանը վեց դեռահաս պղծել են քրիստոնյաների 20 գերեզման ու ձերբակալվել։
Նշվում է, որ ընդհանուր առմամբ 15–16 տարեկան վեց վանդալ է ձերբակալվել։ Գործը դատախազությանն է փոխանցվել։
Բարբարոս դեռահասները տեղաշարժել են գերեզմանաքարերը և ջարդել դրանք: Գերեզմանատան պահակները բռնել են նրանց, ոստիկանությունում հարցաքննելուց հետո նրանց ազատ են արձակել։
Նշենք` Թուրքիայում պարբերաբար պղծում են քրիստոնեական սրբավայրերը։ Երկար ժամանակ է Թուրքիայի քաղաքացիները վանդալիզմի միջոցով փորձում են գտնել Հայոց ցեղասպանության ժամանակ հայերի իբր թե թողած գանձերը։ Նրանք այդ նպատակով եկեղեցիներ ու գերեզմաններ են քանդում։
«Թուրքիայի ձեռքը բռնել է պետք». քրդական համայնքը բողոքի երթ է կազմակերպել. լուսանկարներ
