ԵՐԵՎԱՆ, 12 փետրվարի — Sputnik. Հռոմում ընթացող Հունահռոմեական ըմբշամարտի Եվրոպայի առաջնության եզրափակչում Գևորգ Ղարիբյանը գեղեցիկ հնարքով կարողացավ չորս միավորանոց գցում կատարել, ինչն էլ ապահովեց հայ ըմբիշի հաղթանակը թուրք Քերեմ Քամալի նկատմամբ: Չնայած հավասար հաշվին`5։5, չեմպիոն հռչակվեց հայ ըմբիշը:
Շատ դրամատիկ պայքարում անցավ եզրափակիչը, որի ելքը վճռեց Գևորգ Ղարիբյանի տեխնիկական արսենալը: Չորս միավորանոց գցումը հայ ըմբիշին Եվրոպայի չեմպիոնի կոչում բերեց: Թուրք Քամալին հաջողվեց հավասարեցնել հաշիվը, բայց հավասար միավորների դեպքում հաշվի է առնվում տեխնիկապես ավելի բարդ հնարքը, որի հեղինակը մեր ըմբիշն էր:
Գևորգ Ղարիբյանը 1/8 եզրափակիչում 9:1 հաշվով պարտության մատնեց բուլղարացի Ավգուստին Սպասովին, քառորդ եզրափակիչում հայ ըմբիշը բացահայտ առավելությամբ, ժամանակից շուտ հաղթանակի հասավ ադրբեջանցի Մուրադ Բազարովի նկատմամբ: Կիսաեզրափակիչում հայ ըմբիշի գրոհներին չդիմացավ էստոնացի Հիլարի Միջիսալուն՝ 8:0:
Հաղթարշավը շարունակվում է. Արթուր Ալեքսանյանն ու Կարեն Ասլանյանն էլ հաղթեցին մրցակիցներին
Հիշեցնենք, որ Ըմբշամարտի Եվրոպայի առաջնությունը ընթանում է Հռոմում փետրվարի 10-16–ը։
![Գևորգ Ղարիբյանը տոնում է հաղթանակը Գևորգ Ղարիբյանը տոնում է հաղթանակը - Sputnik Արմենիա](https://cdn.am.sputniknews.ru/img/2203/39/22033904_0:0:1600:1006_600x0_80_0_0_549282d47af0191d182fdf6230dba3e2.jpg)
![Գևորգ Ղարիբյանը տոնում է հաղթանակը Գևորգ Ղարիբյանը տոնում է հաղթանակը - Sputnik Արմենիա](https://cdn.am.sputniknews.ru/img/2203/43/22034345_1:0:1600:1066_600x0_80_0_0_ead5ede0f887c35f33f708093d3ec3fc.jpg)
![Գևորգ Ղարիբյանը պատվո պատվանդանին Գևորգ Ղարիբյանը պատվո պատվանդանին - Sputnik Արմենիա](https://cdn.am.sputniknews.ru/img/2203/45/22034505_0:0:1601:1006_600x0_80_0_0_ba26f880d2d04f20f5d61d6b03ae2a09.jpg)
![Գևորգ Ղարիբյանը պատվո պատվանդանին Գևորգ Ղարիբյանը պատվո պատվանդանին - Sputnik Արմենիա](https://cdn.am.sputniknews.ru/img/2203/45/22034510_0:0:1600:1067_600x0_80_0_0_14fb09856a96e66a305173cfe2b0dd5f.jpg)
![Գևորգ Ղարիբյանը պատվո պատվանդանին Գևորգ Ղարիբյանը պատվո պատվանդանին - Sputnik Արմենիա](https://cdn.am.sputniknews.ru/img/2203/45/22034500_0:0:1600:1006_600x0_80_0_0_a6e0e805a09d4c83d247c97267481664.jpg)