ԵՐԵՎԱՆ, 6 փետրվարի — Sputnik. Սիրիայի Սարաքեպ գյուղում սիրիական բանակի մղած մարտերի ընթացքում հայ զինծառայող է զոհվել. հայտնում է Հալեպի «Գանձասար» թերթի Facebook սոցցանցի պաշտոնական էջը։
Սիրիական բանակի մղած մարտերի ընթացքում փետրվարի 5–ին զոհվել է 1988 թվականին ծնված Ժան Գաթանճյանը։
Զինվորի վերջին հրաժեշտը տեղի կունենա այսօր, Հալեպի Հայ կաթողիկե Սուրբ Խաչ եկեղեցում։
RT-ի թղթակիցը վիրավորվել է սիրիական Իդլիբում
Հիշեցնենք, որ գրոհայինների ջոկատները հունվարի 20-ի գիշերը գնդակոծել էին Հալեպի Ջդեյդա թաղամասը։ Բացի դրանից, գրոհայինները գնդակոծել էին նաև Ջամիյաթ Ազ Զախրա թաղամասը, որտեղ նույնպես տուժել են խաղաղ բնակիչներ։ Վնասվել են շենքեր, այրվել մի քանի ավտոմեքենաներ։
Այս տարվա հունվարի 9–ից , Թուրքիայի հետ պայմանավորվածության համաձայն, Հալեպի շրջանում դադարեցվել են մարտական գործողությունները։
Պենտագոնը կարող է լրացուցիչ ռազմական զորախումբ ուղարկել Սիրիա
