ԵՐԵՎԱՆ, 4 փետրվարի — Sputnik. ՌԴ դաշնային մաքսային ծառայությունը հայտնում է, որ ԵԱՏՄ երկրներում այսօրվանից` փետրվարի 4–ից, գործում են սահմանով դրամական միջոցների անցկացման նոր կանոնները։
Նշվում է, որ սահմանը հատելիս քաղաքացիները պարտավոր են հայտարարագրել դրամական միջոցները, եթե նրանց գումարը գերազանցում է 100 հազար դոլարը։ Բացի այդ, նրանք ստիպված կլինեն ներկայացնել այդ միջոցների ծագումը։
Այս պահանջը տարածվում է և՛ կտրոնների, և՛ պարտամուրհակների, և՛ ոչ անվանական արժեթղթերի վրա, որոնք կարող են կանխիկացվել։
Դրամական միջոցները հաստատելու համար, քաղաքացիները պետք է կա՛մ բանկային փաստաթղթեր, կա՛մ քաղիրավական գործարքների կատարման մասին փաստաթղթեր ներկայացնեն։
Պետք է ակտիվացնել ԵԱՏՄ ընդհանուր էներգաշուկա ստեղծելուն ուղղված ջանքերը․ Փաշինյան
Եվրասիական տնտեսական հանձնաժողովը նոր կանոնների ներդրմանը հավանություն է տվել դեռևս 2019 թվականի օգոստոսին։ Փոփոխությունները նպատակ ունեն պայքարել այն միջոցների տեղափոխման դեմ, որոնք կարող են օգտագործվել ահաբեկչությունը ֆինանսավորելու կամ հանցավոր եկամուտներն օրինականացնելու համար։
Փաստաթղթեր տրամադրելուց հրաժարվելու դեպքում ԵԱՏՄ մաքսային սահմանով չի թույլատրվում կանխիկ գումար և (կամ) դրամական գործիք տեղափոխել:
Ինչ է սպասում ներկրողներին. կկարողանա՞ն արդյոք վաճառել վարկով ձեռք բերված մեքենաները
ԵԱՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է 2015 թվականի հունվարի 1–ից։ Միությունը ստեղծված է ԵԱՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։ ԵԱՏՄ անդամ են Ռուսաստանը, Հայաստանը, Բելառուսը, Ղազախստանն ու Ղրղզստանը։
