ԵՐԵՎԱՆ, 30 հունվարի — Sputnik. Ռուսաստանի արտաքին գործերի նախարարությունը հերթական անգամ Տալինից պահանջում է դադարեցնել ռեպրեսիվ քաղաքականությունը Sputnik Էստոնիայի նկատմամբ։ Այդ մասին այսօրվա ճեպազրույցի ընթացքում հայտարարել է ՌԴ ԱԳՆ ներկայացուցիչ Մարիա Զախարովան։
Հայաստանի ժուռնալիստների միությանը մտահոգել է Sputnik Էստոնիայի շուրջ ստեղծված իրավիճակը
Հունվարի 1–ից Sputnik Էստոնիայի խմբագրության աշխատակիցները քրեական հետապնդման սպառնալիքի պատճառով ստիպված են եղել դադարեցնել աշխատանքային հարաբերությունները Sputnik Էստոնիայի և «Ռոսիա սեգոդնյա» ՄՏԳ–ի հետ։
Զախարովան նշել է, որ ռուսական կողմը բազմիցս բարձրացրել է այդ խնդիրը միջազգային կազմակերպությունների հարթակներում։ Մասնավորապես, հունվարի 18–ին ԵԱՀԿ մշտական խորհրդի նիստում ռուս դիվանագետները հարց են բարձրացրել Էստոնիայի իշխանությունների սկսած արշավի և լրագրողների նկատմամբ ճնշումների մասին։
Նրա խոսքով` ռուսական պատվիրակությունը ԶԼՄ–ների ազատության հարցերով ԵԱՀԿ ներկայացուցիչ Առլեմ Դեզիրին կրկին կոչ է արել Տալինինին ստիպել վերանայելու ԶԼՄ–ների նկատմամբ քաղաքականությունը։
«Եկեք թույլ չտանք». Սիմոնյանը Sputnik–ի լրագրողների համար դիմել է Էստոնիայի նախագահին
«Մենք լիահույս ենք, որ Էստոնիայի իշխանությունները վերջապես կլսեն միջազգային հանրության կարծիքը, կվերադառնան իրավական դաշտ, կդադարեցնեն իրենց հրահրած արշավը և ճնշում չեն գործադրի արտասահմանյան լրատվական գործակալության վրա», – նշել է Ռուսաստանի ԱԳՆ պաշտոնական ներկայացուցիչ Մարիա Զախարովան։
Հիշեցնենք, որ «Ռոսիա սեգոդնյա» ՄՏԳ–ն հայտարարություն է տարածել` գնահատելով Էստոնիայի իշխանությունների գործողությունները որպես բացահայտ հալածանք, իրավական կամայականություն, բռնապետության դրսևորում և խոսքի ազատության սկզբունքների կոպտագույն խախտում, որը նախադեպ չունի Եվրամիությունում։ Մեկնաբանելով ստեղծված իրավիճակը` Ռուսաստանի ԱԳՆ ղեկավար Սերգեյ Լավրովը Էստոնիայի իշխանությունների գործողություններն անվանել է վրդովվեցնող։ Իսկ ռուս խորհրդարանականները հայտարարել են, որ մտադիր են բարձրացնել այդ խնդիրը միջազգային կառույցներում։
ՄԱԿ–ը փորձում է գլուխ հանել Sputnik Էստոնիայի աշխատակիցների հասցեին հնչած սպառնալիքներից
