ԵՐԵՎԱՆ, 29 հունվարի — Sputnik. Պետական վերահսկողական ծառայությունը ստուգումներ է անցկացնում ՀՀ պաշտպանության նախարարությունում։ Sputnik Արմենիայի թղթակցի հետ զրույցում այս տեղեկությունը հաստատեց Պետական վերահսկողական ծառայության մամուլի քարտուղար Սեդա Աղբալյանը։
«Ստուգումները նախարարությունում սկսվել են 2019 թվականի դեկտեմբերին ու մինչ այժմ շարունակվում են», – պարզաբանեց Աղբալյանը։
Մասնավորապես` ՊՎԾ–ն ուսումնասիրում է վառելիքի ու զինվորական համազգեստի գնման հետ կապված փաստաթղթերը։ Ծառայությունը ստուգում է նաև «Զինար» ՓԲԸ–ի գործունեությունը։
Մրցակցային մարմինը ստուգումներ է կատարում բենզինի, դիզվառելիքի ու ավիավառելիքի շուկաներում
Հիշեցնենք` ՀՀ Զինվորական դատախազության պետական շահերի պաշտպանության բաժնի կողմից իրականացվող ուսումնասիրությունների արդյունքում արձանագրվել էր, որ ՀՀ պաշտպանության նախարարության և մատակարար կազմակերպությունների միջև կնքված տարբեր պայմանագրերով շուրջ 700 միլիոն դրամի պարտավորություններ չեն կատարվել:
ՊՆ–ի զորամասերից մեկում դիզվառելիք են յուրացրել. Ռազմական ոստիկանության բացահայտումը
