Հանուն խոսքի ազատության` դեղին ժիլետներով
Ռուսաստանցի լրագրողները ԵԽԽՎ գործընկերների առջև ելույթ են ունեցել Sputnik գործակալության դեղին կիսաբաճկոններով։
«Մեր կորպորատիվ գույները դեղինն ու սևն են։ Հասկանում եմ, որ այստեղ` Ֆրանսիայում, այդ գույնը որոշակի զուգորդություններ է առաջացնում, բայց մենք ուզում ենք, որ մեր ժիլետներն ասոցացվեն այն տագնապի հետ, թե որքանով են այսօր խորհրդարանականները պատրաստ պաշտպանել արժեքները, ոչ թե կոնկրետ մարդկանց, կոնկրետ օրենսդրությունում կոնկրետ նորմեր», – ասել է Կիրիլ Վիշինսկին, որը պետական դավաճանության մեղադրանքով ավելի քան մեկ տարի անցկացրել է ուկրաինական բանտում։
ԵԽԽՎ ձմեռային նստաշրջանի շրջանակում քննարկվում է վեհաժողովի մշակույթի, գիտության, կրթության և ԶԼՄ–ների հարցերի հանձնաժողովի «Եվրոպայում ԶԼՄ–ների ազատության և լրագրողների անվտանգության սպառնալիքները» զեկույցը, որը պատրաստել է բրիտանացի պատվիրակ լորդ Ջորջ Ֆոուլքսը։ Փաստաթղթում Ռուսաստանին մեղադրում են լրագրողներին հետապնդելու և ահաբեկելու մեջ, դրանում կոչ է արվում ԵԽԽՎ–ին լուծել ԶԼՄ–ների աշխատակիցների նկատմամբ բռնության խնդիրը։
Վիշինսկու խոսքով` ինքն ու Ելենա Չերիշևան արձագանքել են Ռուսաստանի պատվիրակության հրավերին, որպեսզի նման բարձրագոչ անվանումով բանաձևի ընդունման նախօրեին պատգամավորներին հասցնեն աղաղակող փաստերը` կապված Եվրոպայի տարածքում ռուսաստանցի լրագրողների նկատմամբ վերաբերմունքի հետ։
100–տոկոսանոց գրաքննություն Էստոնիայում
Վիշինսկին նշել է, որ ռուս լրագրողները բռնաճնշումների են ենթարկվում Լատվիայում, Լիտվայում, Էստոնիայում, Լեհաստանում, Գերմանիայում, Ֆրանսիայում և Մեծ Բրիտանիայում։
«Խոսքը Sputnik–ի և «Ռոսիա սեգոդնյա» ՄՏԳ–ի մեր գործընկերներին հավաստագրումից զրկելու, միջոցառումներին մասնակցելու թույլտվություն չտալու մասին է։ Վերջին շրջանում խոսվել է անմիջական սպառնալիքների (այդ թվում` քրեական հետապնդման) մասին, և միայն նրա համար, որ այդ մարդիկ որոշել են ընտրել այն խմբագրությունը, որն ընտրել են», – ասել է Վիշինսկին։
«Ես` որպես Sputnik Էստոնիայի ղեկավար, կարծում եմ, որ Էստոնիայում կատարյալ անօրինականություն է տիրում։ Եվրոպական այդ երկրում խոսք անգամ չի կարող լինել խոսքի ազատության մասին։ Ես կարծում եմ, որ այնտեղ հարյուրտոկոսանոց գրաքննություն կա, թեև դա արգելված է Էստոնիայում, ինչպես և ցանկացած եվրոպական երկրում», – ասել է Չերիշևան։
Sputnik Էստոնիայի ղեկավարն ընդգծել է, որ երկրի իշխանությունը որևէ կերպ չի արձագանքում իրավիճակին։ Ընդ որում` Sputnik Էստոնիայի աշխատակիցների զգալի մասն այդ երկրի քաղաքացիներ են։
Իշխանությունների հետ երկխոսության կոչ
Ռուսաստանի Պետդումայի միջազգային հարցերի հանձնաժողովի նախագահ, ԵԽԽՎ–ում Ռուսաստանի պատվիրակության անդամ Լեոնիդ Սլուցկին հայտարարել է, որ Sputnik Էստոնիայի հետ կապված իրավիճակը դասագրքային օրինակ է, թե ինչպես են լրագրողներին վերաբերվում այդ երկրում։
«Մենք խոսում ենք լրագրողների ազատության մասին։ Եվ այն, ինչ տեղի է ունեցել Sputnik Էստոնիայի հետ, ցավոք, արդեն դասագրքային օրինակ է դառնում, թե ինչպես են լրագրողներին վերաբերվում տվյալ երկրում։ Հետապնդման բոլոր ձևերը, այդ թվում` վարձատուի հանդեպ ճնշումը, Sputnik Էստոնիայի աշխատակիցների բանկային սպասարկումը վայրենություն է ժամանակակից Եվրոպայի համար։ Դա դժվար կլիներ ընկալել որպես կատակ, եթե իրականություն չլիներ», – նշել է նա։
Մոսկվան «համալիր ու հետաքրքիր» պատասխան կտա Sputnik Էստոնիայի վրա ճնշմանը. Զախարովա
Հունվարի 1–ից Sputnik Էստոնիայի խմբագրության աշխատակիցները քրեական հետապնդման սպառնալիքի պատճառով ստիպված են եղել դադարեցնել աշխատանքային հարաբերությունները Sputnik Էստոնիայի և «Ռոսիա սեգոդնյա» ՄՏԳ–ի հետ։ Այդ գործողությունները հիմնավորվում են պատժամիջոցներով, որոնք ուկրաինական իրադարձությունների ֆոնին ԵՄ–ն 014 թվականի մարտի 17-ին կիրառել է մի քանի իրավաբանական և ֆիզիկական անձանց դեմ։ Այնինչ ԵՄ պատժամիջոցները սահմանվել են ոչ թե «Ռոսիա սեգոդնյա» ՄԳՏ–ի, այլ գործակալության գլխավոր տնօրեն Դմիտրի Կիսելյովի դեմ։
Չերիշևան և Վիշինսկին Ստրասբուրգում հանդիպել են Եվրոպայի խորհրդի Մարդու իրավունքների հանձնակատար Դունյա Միյատովիչի հետ և Sputnik Էստոնիայի հետ կապված իրավիճակի մասին նամակ հանձնել նրան։
«Ռոսիա սեգոդնյան» ուղերձ է հրապարակել Էստոնիայում լրագրողների դեմ պատժամիջոցների մասին
