ԵՐԵՎԱՆ, 20 հունվարի — Sputnik. ԽՍՀՄ ժողովրդական արտիստ, դերասան Արմեն Ջիգարխանյանն իրեն համեմատաբար լավ է զգում, բայց դժվարանում է աշխատանքի գնալ։ Այս մասին ՌԻԱ Նովոստիի հետ զրույցում ասել է Ջիգարխանյանի ընկեր, գործարար Արթուր Սողոմոնյանը։
«Նա հիմնականում տանն է, բայց թատրոնի հետ մշտապես կապի մեջ է։ Վերջերս տնօրենը նրա տուն էր գնացել, այնպես որ ամեն ինչ լավ է», – ասել է Սողոմոնյանը։
1996 թվականից Ջիգարխանյանը ղեկավարում է Մոսկվայի դրամատիկական թատրոնը։
Արտիստի առողջությունը կտրուկ վատացել է 2017 թվականի հոկտեմբերին։ Ջիգարխանյանն այն ժամանակ խնդիրներ ուներ կնոջ` Վիտալինա Ցիմբալյուկ–Ռոմանովսկայայի հետ։ Ավելի ուշ նրանք ամուսնալուծվեցին։
Նախորդ տարվա աշնանը Ջիգարխանյանը վերակենդանացման բաժանմունքում էր հայտնվել առողջական վիճակի վատթարացման պատճառով։ Բժիշկներին հաջողվեց նրան դուրս բերել ծանր վիճակից։
Երիտասարդացե՞լ է, թե՞ սարսափելի տեսք ունի. Վիտալինայի և Ստեփանի կարծիքը Ջիգարխանյանի մասին
Այժմ արտիստին խնամում է նրա նախկին կինը` Տատյանա Վլասովան, որի հետ դերասանը 48 տարի (1967–2015թթ.) միասին է ապրել։ Վլասովան վերադարձել է նախկին ամուսնու մոտ 2019 թվականի դեկտեմբերին։
