Ամերիկյան համալսարանի միջազգային հարաբերությունների ամբիոնի վարիչ Վահրամ Տեր-Մաթևոսյանը Sputnik Արմենիայի թերթում նշեց, որ Մերձավոր Արևելքը երբեք հանգիստ չի լինի, քանի դեռ Օսմանյան կայսրության փլուզումը չի ավարտվել: Ըստ նրա՝ անցել է հարյուր դար, սակայն հետօսմանյան Մերձավոր Արևելքը շարունակում է եփվել, ու շատ հարցեր, որոնք 1920-ական թվականներին արժանացան ոչ պատշաճ ուշադրության, այդպես էլ չլուծվեցին, հետևաբար այդ ամենի հետևանքները տեսանելի են նաև մեր օրերում:
«Զիգզագաձև լարումները դարձել են Մերձավոր Արևելքի ձեռագիրը, հատկապես երբ արտաքին միջամտությունները ևս զգալիորեն ակտիվացել են տվյալ տարածաշրջանում: Այս ամենի համադրումը ցույց է տալիս, որ Մերձավոր Արևելքը եղել է, շարունակում է լինել ու կլինի լրատվամիջոցների և վերլուծական կենտրոնների համար ամենակարևոր տարածաշրջաններից մեկը»,- ասաց Ամերիկյան համալսարանի միջազգային հարաբերությունների ամբիոնի վարիչը:
Տեր-Մաթևոսյան. «ՀՀ նոր իշխանությունները դասեր քաղե՞լ են Լիբանանի քաղաքացիական պատերազմից»
Նրա կարծիքով՝ վերջին զարգացումներն անակնկալ էին ոչ միայն արտաքին աշխարհի, այլև հայաստանյան հասարակության համար, որն առաջացրեց որոշակի խնդիրներ: Այդուհանդերձ, ՀՀ պետական ապարատը շատ արագ կարողացավ ցույց տալ, որ ցանկություն ունի ավելի մեծ ուշադրություն դարձնել մերձավորարևելյան խնդիրներին: Սա նաև լավ ազդակ էր ՀՀ իշխանությանը, որ Մերձավոր Արևելքում ճգնաժամերն արդեն սովորական երևույթ են և չեն կարող որոշ չափով ազդեցություն չունենալ մեզ վրա:
