ԵՐԵՎԱՆ, 15 Հունվար — Sputnik. Մեգան Մարքլի` արքայազն Հարրիի կնոջ հայրը պատրաստ է նրա դեմ ցուցմունք տալ Mail on Sunday պարբերականում նրա անձնական նամակի հրապարակման գործի քննության շրջանակում։ Այս մասին հայտնում է Daily Telegraph–ը։
Պարբերականի ստացած տվյալների համաձայն` Թոմաս Մարքլի ցուցմունքների հիման վրա է կառուցվելու Mail on Sunday–ի պաշտպանությունը։ Նշվում է նաև, որ Լոնդոնի Բարձ դատարանի փաստաթղթերը բացահայտում են, որ հոր ու դստեր հարաբերությունները վատացել են բրիտանացի արքայազնի հետ նրա ամուսնության ընթացքում։
Հարրին ու Մեգան Մարքլը մի փոքր ազատություն են ստացել. թագուհին հայտարարություն է արել
Մեգան Մարքլն ու արքայազն Հարրին 2019 թվականի աշնանը հայտարարել են, որ դատի են տալիս Mail on Sunday պարբերականին դստերն ուղղված հոր նամակը հրապարակելու համար։ Այն ժամանակ արքայազն Հարրին մեղադրել էր բրիտանական պարբերականներին իր կնոջը հետապնդելու ու սուտ տեղեկություններ հրապարակելու համար։ Հարրին ասել էր, որ Mail on Sunday–ի կողմից նրա կնոջ անձնական նամակը հրապարակելը ընթերցողների կարծիքը մանիպուլյացիաների ենթարկելու միջոց էր։ Նա նշել է, որ դքսուհու նամակը կրճատել ու խմբագրել են` նրա մասին վատ տպավորություն ստեղծելու համար։
Բրիտանական պարբերականը հայտարարել է, որ պատրաստվում է բրիտանական դատարանում ապացուցել Մեգանի անձնական նամակի հրապարակման օրինականությունը։
Հարրիի և Մեգանի արձանները հանել են Տյուսոյի թագավորական ընտանիքի ցուցադրությունից
