ԵՐԵՎԱՆ, 8 հունվարի — Sputnik. ՀՀ պետական սահմանի անցակետերում գրանցվել է վարակիչ հիվանդության կասկածով մի քանի անձանց մուտքը Հայաստան։ Ինչպես հայտնում է ՀՀ առողջապահական և աշխատանքի տեսչական մարմինը նրանք բոլորը ժամանել են Վրաստանից։
«Սահմանային բժշկասանիտարական հսկիչ կետերի համաճարակաբանները Բավրայի և Այրում- Ջիլիզայի սահմանային բժշկասանիտարական հսկման կետերում 5 անձի մոտ արձանագրել են բարձր ջերմության առկայություն, որոնցից մեկի մոտ դա ուղեկցվել է նաև անհայտ ցանավորմամբ»,– ասված է ԱԱՏՄ տարածած հաղորդագրության մեջ։
Գրանցված դեպքերի մասին տեսչական մարմինը տեղեկացել է համապատասխան տարածքային պոլիկլինիկաներին՝ վարակակիրների հետագա վիճակը հսկողության տակ պահելու համար։
Իրանում կործանված Boeing-737 ինքնաթիռում Հայաստանի քաղաքացիների չեն եղել. ՀՀ ԱԳՆ
Առողջապահական և աշխատանքի տեսչական մարմինը հայտնում է, որ Ամանորի շրջանում աշխատել է ուժեղացված ռեժիմով`հատկապես դեպի Վրաստան մուտք ու ելքը հսկող Բագրատաշենի, Բավրայի, Այրում-Ջիլիզայի և Գոգավան-Պրիվոլնոյեի հսկիչ կետերում։
Հսկողության ընթացքում էլ ավտոմատ ջերմաչափման արդյունքում սահմանային անցակետերում գրանցվել է վարակիչ հիվանդության կասկածով մի քանի անձանց մուտքը Վրաստանից Հայաստան։
