ԵՐԵՎԱՆ, 6 հունվարի — Sputnik. Սահմանադրական դատարանի նախագահ Հրայր Թովմասյանը, որին դեկտեմբերին մեղադրանք էր առաջադրվել պաշտոնեական լիազորությունները չարաշահելու համար, այսօր` դեկտեմբերի 6–ին, մասնակցում էր Սուրբ Գրիգոր Լուսավորիչ եկեղեցում մատուցվող սուրբծննդյան պատարագին։ Պատարագին ներկա էին երկրի առաջին դեմքերը։
Նիկոլ Փաշինյանը խորհուրդ է տալիս տնայնագործ գեոպոլիտիկներին` հանգիստ նստեք տեղներդ
Այսպես. առաջին շարքում՝ Թովմասյանի կողքին էին ՀՀ վարչապետ Նիկոլ Փաշինյանը՝ տիկնոջ` Աննա Հակոբյանի հետ, Ազգային ժողովի նախագահ Արարատ Միրզոյանը, փոխվարչապետ Մհեր Գրիգորյանը, Անվտանգության խորհրդի քարտուղար Արմեն Գրիգորյանը, պաշտպանության նախարար Դավիթ Տոնոյանը և այլք։
Գրեթե երկու ժամ տևած պատարագի ընթացքում նախկին իշխանություններից մնացած միակ ներկայացուցիչը ոչ մի անգամ «հայացք չփոխանակեց» և չխոսեց առաջին շարքում իր կողքին նստած պաշտոնյաների հետ։ Նա մտահոգ տեսք ուներ։
Հիշեցնենք` ՀՀ վարչապետ Նիկոլ Փաշինյանը բազմիցս է «կոշտ» արտահայտվել Հրայր Թովմասյանի հասցեին՝ անվանելով նրան «մի մարդ, որը Սահմանադրությունը կարել է Սերժ Սարգսյանի հագով»։
«Լավ մարզավիճակում էր, շունչը չէր կտրվում»․ Sputnik Արմենիայի աշխատակիցը` Փաշինյանի մասին
Նշենք, որ ՍԴ նախագահ Հրայր Թովմասյանին մեղադրանք է առաջադրվել երկու դրվագով։ Թովմասյանն, ըստ մեղադրանքի, գնել է նոտարներին պատկանող տարածքը, հետո վարձակալությամբ տվել։ Բացի այդ, նա պարտադրել է նոտարական պալատին` վարձավճարով սենյակներ վերցնել իրեն պատկանող տարածքից։ Թովմասյանը քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը) ներգրավվել է որպես մեղադրյալ:
Թովմասյանի նկատմամբ խափանման միջոց է ընտրվել ստորագրություն չհեռանալու մասին։
Հրայր Թովմասյանն ընտրվել է Սահմանադրական դատարանի նախագահ նախորդ Սահմանադրության համաձայն, այսինքն՝ նա պետք է շարունակի պաշտոնավարել մինչև 2035 թվականը։ Նա չի ընդունում իրեն առաջադրված մեղադրանքները՝ դրանց հիմքում քաղաքական հետապնդման ենթատեքստ տեսնելով։
Հայաստանում հաստատված են անհնարինն իրականություն դարձնելու ժամանակներ. Փաշինյանի ուղերձը
