ԵՐԵՎԱՆ, 4 հունվարի — Sputnik. Այսօր կյանքից հեռացել է վաստակավոր բասկետբոլիստ Նիկոլայ Դյաչենկոն. հայտնում է Հայաստանի բասկետբոլի ֆեդերացիան։ Դյաչենկոն 73 տարեկան էր։
Նա հանդես է եկել Երևանի ՖԻՄԱ ակումբում և Հայաստանի հավաքականում 1967-1972 թվականներին։ 1973, 1974, 1976 թթ. Մոսկվայի ԲԿՄԱ-ի կազմում դարձել է ԽՍՀՄ չեմպիոն։ Իսկ 1973 թվականին Դյաչենկոն Եվրոպայի առաջնության բրոնզե մեդալակիր է եղել։
Հայաստանի բասկետբոլի ֆեդերացիան խորին ցավակցություն է հայտնում Նիկոլայ Դյաչենկոյի ընտանիքի անդամներին, հարազատներին և բարեկամներին:
