Ամեն տարվա պես այս տարի ևս հայաստանցիների մի մասը նախընտրել է տարեմուտը դիմավորել ճամփորդությամբ։
Զբոսաշրջային տարբեր գործակալությունների տվյալներով՝ այս տարի Ամանորն արտերկրում դիմավորել ցանկացողների բացարձակ մեծամասնությունը նախընտրել է մեկնել Եգիպտոս՝ Շարմ Էլ Շեյխ։ Երկրորդ տեղում Վրաստանն է։ Զբոսաշրջային գործակալները սա առաջին հերթին բացատրում են արժեքով։ Նախընտրելի հանգստավայրերն են Թբիլիսին, Բակուրիանին, այս տարի նաև կիրականացվի չարտերային թռիչք դեպի Բաթումի։
Ավանդաբար ամանորյա պահանջված ուղղություն է շարունակում մնալ Արաբական Միացյալ Էմիրությունները։ Շնորհիվ այս շրջանում եղանակային կատարյալ պայմանների արդեն որերորդ տարին է՝ պահանջված ուղղություններ են դարձել ասիական երկրները, մասնավորապես Շրի Լանկան, Թաիլանդը։
Նախընտրելի են նաև եվրոպական դասական ուղղությունները՝ Չեխիա, Գերմանիա, Իտալիա, Ավստրիա, Ֆրանսիա։
Զբոսաշրջության ոլորտի մասնագետները նշում են, որ արտերկիր մեկնողների մեծ թիվը չի նվազեցրել հայաստանյան տարբեր հանգստավայրերի տոնական ծանրաբեռնվածությունը։ Հայտնի հանգստավայրերի կողքին այս տարի մեծ պահանջարկ ունի Գյումրին։
Հայուհիները փայլում են ամբողջ տարին, կամ ինչ հագնել Ամանորի գիշերը
Ներքին տուրիզմի ամանորյա ուղղությունների շարքում առաջատարը շարունակում է մնալ Ծաղկաձորը, երկրորդ տեղում Դիլիջանն է։ Պահանջված ուղղություններ են նաև Աղվերանն ու Ջերմուկը, այս տարի բավականին ակտիվ է նաև Իջևանը։ Արդեն որերորդ տարին է՝ Արցախը ևս Ամանորին գրավում է հայաստանցիներին։
Ամանորին Երևանը զբոսաշրջիկների թվով կարող է մրցել Թբիլիսիի հետ. փորձագետ
