ԵՐԵՎԱՆ, 27 դեկտեմբերի — Sputnik. Սեպտեմբերի 2-ից հացադուլի մեջ գտնվող դատապարտյալ Վահե Մելոյանը քիչ անց կլինի տանը. դատարանը փոխել է նրա խափանման միջոցը։ Այս մասին Facebook սոցիալական ցանցի իր էջում գրել է Ազգային ժողովի ԲՀԿ խմբակցության պատգամավոր Նաիրա Զոհրաբյանը:
Հայտնել էինք, որ դեկտեմբերի 25–ին Զոհրաբյանն այցելել էր Մելոյանին ու հորդորել, որ նա դուրս գա հացադուլից, սակայն վերջինս անդրդվելի էր մնացել։ Մելոյանը պնդում է, որ ինքն անմեղ է, ինչի համար էլ հացադուլ է արել` իր բողոքն արտահայտելով իրեն կալանավորելու դեմ։
105 օր` հացադուլի մեջ. Նաիրա Զոհրաբյանը ներողություն է խնդրում կալանավորի կնոջից
«Այսօր դատարանը որոշում կայացրեց և փոխեց սեպտեմբերի 2-ից հացադուլի մեջ գտնվող Վահե Մելոյանի խափանման միջոցը։ Սա ճիշտ որոշում էր։ Խոսեցի Վահեի մայրիկի հետ, բնականաբար, հուզմունքն անսահման էր»,–գրել է նա։
Մնացածը, ըստ Զոհրաբյանի, կախված է Վահեից. նա արդեն դատարանում պետք է ապացուցի իր անմեղությունը։
ՊՆ–ն ինձ ծաղրում է. նախկին զինծառայողը կրկին հացադուլ է սկսել
Հիշեցնենք, որ այս տարի մայիսին Վահե Մելոյանը կրկին հացադուլ էր արել, սակայն հունիսի 19–ին դուրս էր եկել հացադուլից: Հացադուլում գտնվելու ընթացքում նրան այցելել էին դատախազությունից, ինչպես նաև Մելոյանին վերաբերող քրեական գործի նախաքննության օրինականության նկատմամբ հսկողություն իրականացնող դատախազը:
Վահե Մելոյանին մեղադրանք է առաջադրվել Քրեական օրենսգրքի 175–րդ հոդվածով՝ ավազակային հարձակման հատկանիշներով։
