2020թ.–ի սկզբին Եվրոպայում նախատեսված են ամերիկյան զորքերի «Եվրոպայի պաշտպան» զորավարժությունները, որոնք կդառնան վերջին քառորդ դարի ամենախոշոր զորավարժությունները։ Զորախաղերի հիմնական խնդիրը դեպի ռուսական սահման ամերիկյան զորքերի արագ տեղափոխությունը մշակելն է։
Ինչո՞ւ են Ռուսաստանը սպառնալիք համարում ՆԱՏՕ–ի համար. պարզաբանում է փորձագետը
Փորձագետները ենթադրում են, որ այդպիսով ԱՄՆ ռազմական հրամանատարությունը թեստավորում է Կալինինգրադի շրջան ներխուժելու տարբերակները։ Գլխավոր լոգիստիկ կենտրոնը կդառնա Գերմանիան, ուր կժամանի ամերիկյան ռազմական տեխնիկան, որից հետո այն կտեղափոխվի զորավարժությունների գլխավոր հարթակ` Լիտվա, Լատվիա և Էստոնիա։
Հզոր պատասխան ՆԱՏՕ–ին. Ռուսաստանն ավարտել է «Իսկանդեր–Մ» հրթիռային համալիրների վերազինումը
«Հյուսիսատլանտյան դաշինքն իրագործում է Միացյալ Նահանգների «4/30» հակառուսական նախաձեռնությունը։ Ենթադրվում է 30 օրում պատրաստականության վիճակի բերել 30 մեխանիզացված գումարտակ, 30 ավիացիոն էսկադրիլիա, 30 մարտական նավ։ Կարծում ենք` «4/30» հայեցակարգի ամբողջական իրագործումը հնարավոր է արդեն մինչև 2022թ.–ը»,–հայտարարել է ՌԴ պաշտպանության նախարար Սերգեյ Շոյգուն կոլեգիայի նիստի ժամանակ։
Նա նշել է, որ այդ ռազմավարությունն իրագործելու հարցում ԱՄՆ–ին օգնում են Բալթյան երկրները, որոնք միշտ պատրաստ են իրենց տարածքները տրամադրել որպես զորախաղերի հարթակ։
