ԵՐԵՎԱՆ, 26 դեկտեմբերի – Sputnik. Հայաստանում դեկտեմբերի 26-ին, 28-ի գիշերն առանձին շրջաններում, 27-ին շրջանների զգալի մասում սպասվում են տեղումներ, լեռնային շրջաններում` ձյան տեսքով։ Քամին կլինի հարավարևմտյան՝ 3-8 մ/վ: Այս մասին հայտնում է ՀՀ արտակարգ իրավիճակների նախարարությունը։
Դեկտեմբերի 28-ի ցերեկը, 29-30-ը տեղումները կդադարեն։
Օդի ջերմաստիճանը դեկտեմբերի 26-ի գիշերը կբարձրանա 8-10, 27-ի ցերեկը կնվազի 3-5 աստիճանով։
Երևանում այսօր երեկոյան ժամերին հնարավոր են տեղումներ, 27-ին և 28-ի գիշերը ևս սպասվում են տեղումներ, 28-ի ցերեկը, 29-30-ը տեղումներ չեն գրանցվի:
Մայրաքաղաքում այսօր ցերեկային ժամերին սպասվում է +9-ից +11, երեկոյան`+6-ից +8, իսկ գիշերային ժամերին` +4-ից +6 աստիճան։
Այս գիշեր ամենաբարձր ջերմաստիճանը կգրանցվի Սյունիքի և Արցախի հովիտներում, Տավուշի, Լոռու մարզերում։
