Ժամանակակից սարքավորումները տատիկների ձեռքից վերցրել են գուլպա գործելու «մենաշնորհը»։ Գուլպա գործելու հարցում մարդկային գործոնն այժմ նվազագույնի է հասցված` մնում է միայն համապատասխան հրահանգը տալ սարքավորումներին։ Դրանք ոչ միայն գործում են գուլպաները, կարում եզրերը, այլ նաև արդուկում, այսինքն` վաճառքի համար անհրաժեշտ է լինում միայն պիտակավորել ու փաթեթավորել գուլպաները` կրկին սարքավորումների միջոցով։
Ինչպե՞ս Ամանորին ճիշտ նվեր ընտրել. պատասխանում են ՀՀ քաղաքացիները
Տոնական գուլպաների հետ կապված` տարբեր երկրներում տարբեր ավանդույթներ կան, սակայն բոլոր երկրներում էլ դրանք որպես նվերների պարկ են ծառայում։
Ամանորի համար տոնական հագուստ ենք ընտրում. խորհուրդներ է տալիս դիզայներ Սոնա Հակոբյանը
Հայաստանում, օրինակ, ըստ ավանդույթի` Ամանորի գիշերը երեխաները շրջում էին տնետուն ու երդիկներից գուլպաներ կամ կողովներ կախում, որպեսզի տանտիկինները դրանց մեջ նվերներ դնեն։ Իսկ Իտալիայում տոնական գուլպաները կախում են բուխարուց, որպեսզի Բեֆանա անունով բարի փերին դրանց մեջ նվերներ թողնի։
Այժմ տոնական նկարազարդումներով գուլպաներն Ամանորի ֆոտոնկարահանումների պարտադիր մասն են կազմում թե՛ որպես դեկոր, թե՛ նաև ծառայելով իրենց բուն նպատակին։
Sputnik Արմենիան այցելել է տեքստիլի գործարան` ծանոթանալու, թե ինչպես են «ստեղծվում» տոնական գուլպաները։
